古董零件何去何從?

ozrayyau

自九十年代移民後, 有間百零呎嘅房玩 HiFi, 當時 CD 起飛, 令到膽機市場亦都活躍起來。當時要揾膽, 所以喺當地認識幾個膽賣家, 其中一個可能入咗好多軍用品, 電容、電線、膽、火牛同軍艦上使用嘅擴音機等。佢好耐心咁教我點玩, 當然我入唔少貨, 不過每換一樣都有得着, 況且幾蚊有交易 一啲維他命 Q, West Caps, Sagamo, TCC 等電容, 一蚊到二十都有。而六拾蚊全新 GEC KT66, 我就買咗十六枝

正當玩得興高彩烈, 喂, 你知唔知亞邊個入咗醫院, 好似話中毒,
我: 中乜毒呀?
好似話上個月佢賣個啲野當中, 流咗啲液體出, 佢用布抹乾淨但成手都係, 最初冇事, 幾日後就唔舒服, 之後要入醫院。

大半年後見返佢, 問佢乜事? 佢支吾以對, 但當時佢變咗淨係賣膽, 問佢電容佢都話賣哂, 唔再賣咁話。由呢個時期開始, 我將呢啲*家當* 入袋收好, 唔多敢用。好似石棉咁, 之前大量用於隔熱防火等, 今日有小量都唔得掂。

其實大部分舊裝電容都對聲音, 產生柔化/美化作用, 但其龐大嘅身型, 一般廠機較難用得上。但對 DIY 一族就係珍品

圖中黃色 0.22uf 電容喺一架膽合併機拆出, 其它為近似數值舊裝交連用電容。因為體積關係, 有時須要飛線先可以將佢地代替新裝電容。



如果係罐頭式油浸電容, 就更加  圖中白色 3.3uf 係拆自科宝膽機, 左面 TCC 係 4uf, 維他命 Q 2.5uf, 黑色果枝得 0.25uf



其實要順滑好聲電容, Jensen, V-cap 等都做到, 亦不失分析力, 其材料亦符合今日安全標準, 有須要揾命搏嗎?

obee

小心D處理囉, 好多日常生活嘅野都可以有危險, 如用火煮食. 當然, 玩音響姐, 使唔使搵命摶?

billymud

雖然我都有頗多 sangamo, sprague, CDE caps，佢我不追求古典珍藏parts，只要有聲出就ok 了。