心跳(500)天……..J J 小評 (含內容)

lkljason

呢套戲一直比唔到吸引力我去睇，到最後有朋友介紹話好睇就即管借黎睇下，一開始序述就講明呢套唔係一套愛情電影，就知佢係非一般既浪漫愛情喜劇，加上佢果種顛倒時間飛黎飛去既日子拍攝手法，真係睇小眼都唔知佢講乜，而套戲個戲名同格局雖然好似愛情喜劇包裝，但骨子其實都幾Sad，亦都幾貼近而家既愛情觀，喜歡一個人唔代表要一生一世，唔一生一世既原因係因為你未係佢既真愛，聽落好似好玄啊呵！而套戲尾段講男主角去應邀女主角既一次約會，出現左一個分隔畫面，係講男主角預期同現實既畫面，呢part相信有d男仔都可能會有d共鳴。

總結：套戲其實都幾平淡，講一男一女由相識、拍拖到分手，如果現實d黎講都唔會好多姿多彩，所以悶場對我黎講都唔小，加上女主角我覺得唔夠靚，可能拍緊拖既朋友睇感覺會大d，同埋唔知點解，睇完套戲感覺有d占爺既”無痛失戀”影子。