華爾街狼人…..…J J小評 (含內容)

lkljason

抱住幾大期望黎睇呢套戲，可能希望越大，失望就在所難免，而我本身又唔懂股票既野，所以故事一開始講佢入行遇到伯樂恩師，但好景不常到正式考到經紀牌就遇公司倒閉股市低迷、跟住睇報紙搵工去到間細公司炒垃圾仙屎股賺第一桶金，之後就開始佢既極度荒淫兼墮落既生活，我個人投入度真係唔係咁大，到中段佢遇到索女新歡拋妻，加上佢做既生意手法跟本就係呃人唔使本果隻，為左賺錢不擇手段，所以可以講佢係一個百份百既人渣，咁當然係一個靚仔唔在講，仲要係一個住大屋、渣靚車、渣靚老婆既上流人渣，相信上流社會都有唔小呢種人，所以某程度上都幾反映現實。到最後雖然佢要坐過監兼老婆走埋佬，但外界仍然當佢係一個傳奇人物請佢黎講Talk，呢樣野感覺上覺得佢唔夠罪有應得。

套戲點解評為三級睇過你就知，粗口橫飛唔在講，除有露3點外，連雀雀有幕都露埋 (當然唔係李安露啦~~XDDD)，除左女主角養眼d外，其他d囡囡就唔好抱太大期望勒
。
總結：李安勒度黎講真係做得唔錯，由佢演初生之犢，到佢為求上位賺錢果種狂，到最後被老婆遺棄果種頹 (尤其事有幕講佢high藥high到流晒口水痙晒攣)，佢演得都手到拿來，但要憑呢套裸奧斯卡我個人又覺得好似仲差dd，套戲悶場唔算有，但好精彩我又覺得唔係，可以一看咁啦！