如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ikkjr 於 2009-8-22 21:10 編輯
2009年 8 月 15 日
上集 http://www.post76.com/discuss/viewthread.php?tid=18150&extra=page%3D1
下面幅圖就係我地原本計劃今天上午要去嘅目的地 - 頭頓耶穌山, 由 “胡志明市” 坐船去大概要個半鐘, 來回即係要成三個鐘. 所以計劃坐 11:00 am 船出發. 去到目的地先食 lunch.
既然係坐 11:00 am 船, 哽係唔會咁早起身啦, 相約 10:00 am 係 hotel 五樓食早餐. 大家可以瞓到 ‘九點多’ 先起身, 正!  呢個亦係 ‘自由行’ 嘅好處.
唔使好似 ‘跟團’ 咁, 朝朝 ‘晨咁早’ 叫醒你, 重慘過返工 !
我同 boss 約10:10 am 到達餐廳, 個 friend 肥哥哥 同佢個 boss 巳經坐咗係度食緊嘢, 原本唸著 hotel 嘅 breakfast buffet 都係千編一律, 唔會有乜嘢驚喜, 黠知個 pho (音: 馮) 即越南河又整得相當好食, 尤其係河粉裡面嘅薄切牛肉, 鬆化可口, 又有牛肉味 好過早一日食午餐個間地道餐廳嘅牛肉多多声. 唔通真係 ‘一分錢一分貨’
另外一定要贊就係 d 新鮮嘅 tomato juice, 唔會好似一般酒店用一個大 jar 黎裝, 而係分成獨立有蓋小瓶盛載, 一瓶瓶放係個大雪盤上面, 保持冷凍. 一小瓶剛好一杯多 d. So fresh & delicious! 
唔好意思, 掛著食唔記得影相, 匆匆影返張先, 各位唔好介意.
食到一半先影嘅相
食完早餐約 10:45 am, 離開洒店坐 taxi 去碼頭, 又係由上車到落車唔使一分鐘, 其實個碼頭係洒店門口都望倒咖, 淨係唔知應該点過條馬路! 
一到碼頭, 立刻買 ’飛’,上 11:00 am 個班船啦, 原來船票都唔平, 每人要 160,000 VND 一程, 四個人來回多謝 1.28 million VND, 約 USD71.
唸著 d 票咁貴; 一定大把’飛’賣.
售票員居然話 “Tickets all sold out!”, 最快個班船開 12:30 pm. 有冇攪錯, 真係佔佢唔倒 咁嘅環境, 12:30 pm 都殺, 當然立刻買埋16:30 回程票, 以確保回程冇問題.
原來 ‘頭頓市’ 差不多等如我地 ‘長州’, 好多本地人或遊客都會去, 剛撞正今日係星期六, 船票特別緊張. 如果下次有機會再來, 一定會早一日買定票. 早買票仲會有一個好處, 遲少少話你地知點解………………
睇一睇表, 11:00 am 都末够, 冇理由係度企個半鐘, 大家就唸不如利用呢段時間來個短短地嘅 city tour. 臨時決定去參觀好出名嘅 ‘胡志明市郵局’. 坐言起行,
由碼頭坐 taxi 去 郵局, 只需 4,5 分鐘, 相當快手. 
郵局斜對面嘅教堂, 因為唔係做緊 services, 所以冇開門, 入唔到裡面
呢間就係‘胡志明市郵局’啦
直望入去, d 人圍住個度係一d賣小形紀念品嘅 counters
郵局入口左右都有 souvenir shops
Tourist center + ’長途電話’ booth
各間 ‘託運公司 ‘ counters
可以坐低填表嘅地方
係裡面停留咗大約半個鐘, 決定離開行下第 2 d 地方.
一離開郵局, 俾我地見到有當地攝影師幫緊 model 影相, 咁我地都 ‘係咁意’ 幫個 model 影返 2 張啦 係“胡志明市” 2 日, 見到嘅越南女性都好 slim, 完全見唔到有 ‘肥’ 嘅, 真係唔知佢地平時食 d 乜, 可以 keep 到咁 fit.
柱女
Cut 咗條柱先
同 model 姐姐影完相, 見有一間 百貨公司, 樓高四層, 外表幾modern. 行咗入去逛逛, 內面同香港個 d 差唔多, 冇乜特別. 唯一係頂樓有 bowling 打 同埋food court .
差不多時間啦, 坐 taxi 返碼頭, 準備上船.
呢度係等侯上船嘅地方
嘩! 見到隻船殘成咁有 d 擔心 !
開船後証明我嘅 ‘擔心’ 真係有理由.
待續……………………………… |
發表於 2009-8-21 12:39
樓主
