DIY Class A Portable Amp

MoonL · 發表於 2014-2-22 23:17

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

話說小弟因為新年前去日本旅行而番燒耳機, 買左唔少耳機野, 其中一件就係Venturecraft GO-DAP DD Limited 12V。為左唔好晒左部GO-DAP DD, 要搵部AMP去夾佢黎用。

本身諗住夾Typhoon用, 但用起上黎, 如果Typhhoon只用AMP果部份既, 好似晒左部Typhoon。而且AMP果part係Typhoon黎講都唔係強項, 所以就要再搵落部AMP去夾。

由於之前有DIY開AMP, 於其買成品手提AMP, 不如自己整部岩自己心水既。之前整AMP主要係用OPAMP放大既線路, 整到有D悶, 所以就上裝搵下有冇其他線路去整手提AMP。最後俾我搵到一個用FET管去做既Class A AMP, 仲要唔係用好多零件就做到(比起用OPAMP做), 所以就試下佢。

係深水埗執完料就即刻整黎下, 用插座係為左方便換零件去試。

焊好之後, 試聲果時真係俾到驚喜我。出黎既聲好直接, 唔會加d特別既調味落去, 有唔錯既分析力, 而且對線材都好敏感。分別用銀線同銅線去試,出黎既聲都有幾明顯既分別, 用銀線出黎既聲明顯係比用銅線果時通透d, 高音好d。

試過個線路之後, 因為有唔錯既印象, 於是就整多部出街試。

用左個同iPod Classic差唔多大既殼去整

零件唔多, 不過除左兩支FET管同電阻之, 其餘都之前買落, 係屋企執

為左可以接iPod Classic同GO-DAP DD用, 整埋iPod to USB dock同對錄線, 用之前整耳機線用整既純銀線

終於可以出街用到啦~~