”中國合伙人” and ”誰調換了我的父親”… JJ簡評 (含內容)

lkljason

套戲影評如果唔係咁好，相信我係唔會睇呢套 ”中國合伙人”，講真套戲平平淡淡之餘同無乜高潮位，不過好彩幾位主角演出黎戲味都唔錯，成套戲既風格係小品式都有dd陳可辛風格，當然齣戲主要都係大陸做背景，所以對我黎講無乜共鳴，不過睇完CC服服收貨啦！


福山雅治靚仔就唔使講，所以佢拍既電視或電影唔多唔小都有d制肘，今次比較突破d呢套戲係做一位父親，一位過於管束但因為事業關系，所以無時間陪老婆同仔既爸爸，而另一個家庭既爸爸就時常親子，但”hair”住做野既父親，所以做出一個強烈對比。福山因為外形所限，無論點演都係一位型英帥靚仔既爸爸，不過整體佢既演出都算稱職。而尾聲男主角發現養仔偷拍佢閒時既DV片段同最後與養仔既一段對話，亦令我留下一點男兒淚，而我覺得歸功於都係福山雅治既演技，相信套戲適合d做緊爸爸既朋友們睇，當然首先唔好介意套戲略為婆媽，我個人覺得值得一看。

總結：套戲比到小小message我地，教小朋友無話邊種形式係最適合，但多d陪伴子女同唔好迫得小朋友太緊係有必要既。