親子日記: 勁慳 70% ! 上網平執二手 BB 物品 (轉載)

245141525

轉載自聯盟網站 unwire.hk

小朋友剛剛出世樣樣都要買、樣樣都要「駛錢」，想慳一 d 除左可以接收親戚、朋友 bb 唔合身的衣物和不適用的物品如：high Chair、搖椅、床仔等等。但係若果身邊親戚朋友未有 bb，咁就好難免費獲得嬰兒日用品了。其實大家可以透過一些本地的二手 bb 物品交易網站以低價入手。今次小弟就同大家分享一下到二手網平價入手 bb 生活用品的心得！



買二手貨平得多
其實係香港和 bb 有關的二手/交易網站話多唔多，話少亦唔少，不過真係要搵到「荀貨」 的卻要過五關斬六將。小弟和太太都係慳家的上班族，買野之前都一定會諗過度過，大家一早已經有默契會買部份二手的 bb 用器例如: bb 床、bb 車、high chair、car seat 等全新貨品要幾千元的東西。最後在朋友、同事介紹再加埋自己努力上網搵，發現左一些好網站，而且小弟亦成功以好抵玩的價錢買到以上的心頭好呢!

半價入手名牌貨
「bb 大得快，好多野好快唔O岩用」呢句野相信唔少父母都一定聽過，諗深一層幾千蚊買返黎用得一年半載，仲要樣樣都買新野對於我地呢D普通打工仔黎講都真係「幾甘」。而買二手除左可以節省不少金錢，亦可以更加環保。有見及此我同太太就不斷上網「搵荀貨」，例如我地成功以 $380 蚊買左一部 80% 新的 Chicco  bb 車 (原價約 $2200 )、以 $700 買左一張 70% 新的 Combi highChair (原價約 $1900)、$200 買 70-80% 新的木製 bb 床 (原價不詳)、$600 買 80% 新 Britax 汽車座椅(原價約 $1800)等，同朋友分享過後好多都話好抵買呢! 以下就為大家分享幾個必去交易網!

精選二手網推介
1.荀盤集中地 asiaxpat.com


asiaxpat 網站旗下的 babies kids stuff 分頁聚集左好多係香港工作、生活的外國人，佢地賣野好多時都係要離開香港，但求可以盡快脫手所以價錢 set 得比較低，而且佢地可能普遍比較富有，用的都是大牌子、亦較新淨，所以好多時二手貨品真係「超抵」，大家需要慢慢在網頁中「尋寶」， 絕對係小弟的精選推介!!  不過是此網大部份用家都以英文為主，部份賣家又沒有 Whatsapp 可能要打電話相約交收，建議大家一定要有心理準備可能要「開金口」講英文。
網址: http://hongkong.asiaxpat.com/classifieds/babies-kids-stuff/

2.本地二手網站 BK / 28hse

網址:  http://www.baby-kingdom.com/forum.php?mod=forumdisplay&fid=27


網址:  http://furniture.28hse.com/furni ... amp;inputesatename=

Baby kingdom 同埋香港屋網都是另外一D較多香港人集結的二手交易網，它們的優點是產品種類多不勝數，不論是 bb 用品、電器姜至係奶粉都有得賣，而且賣家數量亦較多，每日的新貨隨時有幾頁 post。不過由於好多媽咪長期高度密切關注呢這些網站，要第一時間聯絡到買家執平野可能仲難過抽 iPhone。

3.Facebook 即時睇 Swap-it-hk

網址:  https://www.facebook.com/groups/294230537337692/

Swap-it-hk 是 facebook 上面另一個比較新的交易平台， 擁有超過一萬位會員，唔駛自己上網只要睇 facebook 就可以睇到最新的二手產品。不過，Swap-it-hk 不單只賣 bb 野，仲有好多家居生活物品，想搵心水野真係要落足眼力，而且由於 facebook 用戶者眾，真係手快有手慢冇。

二手交易小貼士
好多人買二手野都好怕會買到有問題的二手野，而其實而家好多買家/賣家而家聯絡都已經會用 whatsapp，所以大家有任何疑問，不妨可以叫賣家將產品的相片先 whatsapp 比你睇清睇楚，咁就可以避免出現「講就 9 成新，出黎舊到爆」的情況啦，可以避免唔少爭拗啦! 另一方面，大家亦不努可以還吓價，不過講價就記得一早在相約交收之前講清講楚，除非即場發現貨不對辦啦，否則即場壓價這種行為其實相當令人討厭呢!