Bose Soundlink Mini 藍芽喇叭開箱小報告

joelcan · 發表於 2013-11-14 15:23

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

最近見到呢隻Bose小喇叭，人氣都幾高下，見佢機身細細，尺寸啱晒我蝸居唯一一個AV的小小地方，未買前要猛諗啱唔啱我用呢？因為我都好少時間聽歌，有時間都睇戲，其餘時間就老婆同個女霸住部電視睇，所以都考慮咗一排，因為我想買佢嘅真正目的係…(下面再講)

最後因返工都好近Bose陳列室分店，所以搵日放工就行過去睇睇，一入去，已經見個鬼佬check緊貨買呢隻小喇叭，咁我搵另一個sales試機，佢用自己手機播歌，開聲果然唔錯，好有音樂感及低音強勁，可能佢原本嘅歌質數都好好，所以我試咗唔夠兩分鐘就買咗佢，當我check機時試我部手機對應及播歌，效果無之前咁理想，因為我手機好少歌曲，同埋只係普通mp3 format，自己都知唔掂，要重新搵過d高音質嘅歌曲先得勒！

開箱仔無咩特別，因外携式，有齊各種叉腳，方便各國使用。馬上用手機天天動聽apps download幾首高品質音效試機，今次好好多了，結論都係要source好，聽歌先會有好表現。

部Bose Soundlink Mini 藍芽喇叭音質取向如何，唔想多講，因我買佢最終目的並唔係聽歌用，而係比電視用！

因部VT50 Plasma或其他新平面電視都因設計問題，喇叭多數放於機背，除了小部份如晶爺部怪獸機及Sony新4K外，所以聲音都係由機背反射出來，就算我用機內V-Audio Prosurround睇電視，都要教得大聲先有d效果，但又會有好大回音，所以唔係咁理想。

今次買Bose Soundlink Mini就係當sound bar比電視用，因為真正sound bar比中置阻住擺唔落，位置放於電視機前面，中置隔離，size又係啱啱好(蝸居太細，真係買咩都係size先決) ，對應咗電視藍芽裝置後，嘩，睇電視完全係兩個世界，由於喇叭現向前，對白清楚好多，背景音樂清晰，而低音都加強氣氛，我老闆平時唔會對我d玩具有反應，今次係第一次出聲話點解電視好咗聲咁多，依家睇電視聲效係完全立體化，記得早兩日睇新聞講超級颱風吹襲菲律賓，d風聲及低頻就好似睇緊戲咁，又好似屋外依家打緊風，真係嚇一跳，估唔到呢隻野細細舊，行2.1個低頻咁勁，我對呢隻Bose Soundlink Mini真係三個字形容，“非常滿意” ！