如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ikkjr 於 2013-10-20 22:40 編輯
就著各人假期, 今次"為食兵團"一行四人 (2 pairs), Oct 8由香港出發, Oct 12返港, 前後玩五日 
Oct 8中午12:15機由香港出發, 去到台中機場;出埋海關約下午14:30.
第一站係到清境民宿check-in, 因早在香港巳叫民宿準備車接送,
所以一出閘就見到司機叔叔揸著個牌等緊我地. 完全唔洗擔心交通問題 
Tips:
未上車前, 係電訊公司櫃台買張 NT300 電話卡, 內含 NT50 電話費 + 三天上網.
當每次通訊用一兩分鐘 , NT50 可打約5個電話,
聯絡包車司機, 酒店相當有用. 一定抵過打IDD 
由機場到清境民宿約1.5小時, 去到清境山區時見到山路多彎而窄,
又多大車, 而 d 車無視雙白綫照樣扒頭 幾有大陸 feel . 
如果想挑戰自巳駕駛技術, 可以試下清境山區自駕遊. 
今次係清境booked個間民宿叫"夢幻山林", 位處清境旅遊中心, 相當方便, 環境亦相當好. 讚 
因不是假期所以房價有折, 65折後每日約HK$850, 包車由機場到民宿再加 NT2200
"夢幻山林" main lobby
"夢幻山林"
小弟今次住嘅房間, 有兩層.
房間:
房間上層:
係窗口望出去:
放低行李, 梳洗一下, 已經成四五點. 因 訂咗 18:30 溫泉, 仲有小小時間,
一行四人行咗去 "清境旅遊中心", 步行去只需五,六分鐘.
試下清境小食....
Ha, 估唔到個筒仔米糕又幾好食喎 
行兩行又够鐘, 要趕返民宿坐車去溫泉.
温泉費用房價巳包, 不過車費就每位另加 NT400.
由民宿去原來都要成半個鐘.{:9_428:}
去到個温泉出面見到個樣都唔係幾想入去....
因為外面睇個門面都幾殘舊下.
問個司機可唔可以去第二間, 最多另外俾錢.
點知佢話唔得, 因温泉同民宿係同一老闆.車去第二間會破壞規矩!
司機教路:
下次到清境訂民宿時不要同時訂温泉. 到達清境後可以慢慢選擇, 咁就要幾靚有幾靚啦.
嘅然嚟到, 唯有入去啦.
裏面有四個池; 比較殘舊, 設施又冇, 連換衫都有困難.......
個場咁舊, 都有一大個好處...........
就係冇人. 只得我地一行四傻包場.
Tips:
各位如果訂"夢幻山林", 評價係: 民宿設施, 位置, 服務 都不錯.
不過就唔好訂佢個温泉啦
約咗司機20:15到, 佢話帶去食清境地道菜.
終於等到够鐘, 原來司機要帶去個間就係温泉附近, 步行一分鐘就到
見司機叔叔都幾好傾, 一於請埋佢食晚飯.
俾佢叫餸....佢主力介紹各種"清境蔬菜"
蔬菜1號:
蔬菜2號:
蔬菜3號:
蔬菜4號:
蔬菜5號:
雞湯
唔記得乜魚, 多骨, 唔多好食, 但最貴係佢
呢餐最好食嘅真係各碟蔬菜: 清甜, 幼, 香. 一個字:正
其它就普普通通啦.
埋單好似 NT3000. 有Ching睇完可能覺得貴.
不過叫得司機帶, 都預咗佢有so...
出去玩, 最緊要開心啦
食完返到民宿巳經22:15, 一於冲凉, 洗頭 +
明早見....
|
發表於 2013-10-13 12:07
