逃出生天 - 無劇情影評

SonSon

號稱香港首部3D救火電影 - 逃出生天，好自然會同較早前韓國既代表 - 火海108作比較。雖然貴為香港出品，但全片係廣州實地拍攝（應該係卦 ），相信係同香港地利及政府部門配合較難所至 ，由其片中大廈起火時大量消防車到場及係類似商業區封路等，香港相信好難拍到類似情景 。



一般火災片格局通常都由不同既巧合及意外等構成，重要加上不同階層人物逃生時產生既衝突場面。但同火海108一樣犯上同樣問題，各人物性格及背景刻畫不深，所以逃生過程中各人既制遇未必有深刻印像，連最起碼好似火海108前半個鐘舖排各人關係亦欠奉，白白浪費一眾配角 。



係特技方面，由期3D就更加失望，連最起碼既火燒到埋身感覺都無，最差不知何解影片格式唔係闊銀幕，好彩座位無選太後，否則同睇電視分別不大，強烈建議唔睇3D無損失 。坦白講，始終技術所限，就算只同火海108比較特技亦較失色。



相信全片較可觀既係逃生情節設計，唔會太過熟口熟面，一幢只有約四十多層外表普通既商業大廈，一D逃生場面設計尚算
緊張，由其古天樂算賣力了（可能劉青雲年紀較大卦 ）。雖然逃生結局有點沖天大火災feel，但可玩到同過往有點不一樣算不錯了。



呢次劉青雲, 古天樂, 李心潔既逃出生天等，雖然整體同火海108仍有距離，但作為一部港產制作，係終資源有限下，拍出一部算緊張刺激既商業片，彭氏兄弟算係咁了（起碼一定好過之前套童眼3D ）

lamwaikit007

唔該晒。終於有影評看了。可以讓我考慮是否值得去看。

horace_tsang

災難片最重要角色茅盾，自私對無私，勇氣對懦弱，敵對與合作，火海無情對人間有情，如能夠做到就有好成績了。

scott0208