你地點對付..耳屎 呢?

大佬John

自然既做法應該係唔駛理佢... 但係慣左...以前有人同我R...
呢幾年都係自己搞掂, 靠感覺同聽聲用金行果D耳屎挖黎R..., 原本都好地地, 就係早兩年貪過癮用果支"耳X潔"噴左幾下... 頭幾星期係幾爽, 之後冇用, 再隔一排, 耳仔就成日好痕, 尤其夜晚訓覺..搞到訓唔著....用平時果D挖又挖唔到野, 但係一掂到耳仔D'肉'就有 o窿o窿聲 + feel到硬野...一路忍左呢D硬野o係我耳仔成年幾

直到正話, 見無無地聊, 又痕痕地, 再用果支挖, 試下feel下耳仔入面包實晒周圍果D硬野係乜...o係D冇咁硬既'缺口'展開試探性地R...RR下..真係爽呀, 咁多年圍住耳仔入面既硬殼, 原來係可以R得到, 仲係成塊好似筆雪糕咁R左出來..呢層硬野睇黎已經角質化左, 又好薄, 唔係普通耳屎, 平時D耳屎禁落去應該有蠟質既feel架嘛....我懷疑唔知係咪果支洗耳水, 溶左D耳屎之後, 反而好均勻咁將D蠟塗o係耳仔入面...硬化埋咁包實晒...

maner394

自然既做法應該係唔駛理佢... 但係慣左...以前有人同我R...
呢幾年都係自己搞掂, 靠感覺同聽聲用金行果D耳屎挖黎R..., 原本都好地地, 就係早兩年貪過癮用果支"耳X潔"噴左幾下... 頭幾星期係幾爽, 之後冇用, 再隔一排 ...
大佬John 發表於 2009-7-29 03:02

由於我屬油耳，我是用棉花棒，早幾年用Ｄ比較平貨，窒咗舊棉花向耳仔幾年都唔知，直到有日老細同我挖先挖番出嚟，個一刻成個人通晒咁，我成日訓訓下都會耳仔痕，所以床頭緊有棉花棒 ready

fansullivan

由於我屬油耳，我是用棉花棒，早幾年用Ｄ比較平貨，窒咗舊棉花向耳仔幾年都唔知，直到有日老細同我挖先挖番出嚟，個一刻成個人通晒咁，我成日訓訓下都會耳仔痕，所以床頭緊有棉花棒 ready ...
maner394 發表於 2009-7-29 03:42

聽歌有冇唔同左??

k2elvin

我由細到大都係用金屬野去liu, 我朋友試過因為工作關係, 去咗耳科醫生度, 醫生幫佢liu, 佢話由胚胎時開始積落果d耳屎都liu埋出黎喎!

tontontony

我就通常沖涼時~沖小小水入耳~然後沖完涼再用 棉花棒 清潔~~~
我以前都冇咁做~係因為有一次去游水~~一上岸就好似耳仔入水咁~有一邊耳仔完全聽唔到野~
我最初以為入左水~~一陣就冇事啦~~點知訓醒第二日都只係有 3成聽覺~開始有小小驚~~
我仲忍左 3日先去睇醫生~~~醫生一照~~原來係有耳屎~濕左又乾返~變左好似塞左個耳隆咁~~
佢用針筒+清水一通~即刻冇事~~~不過個人會好暈~~~盛惠 500個大洋~~
自始我就會洗耳仔~~(不過洗耳水方法唔係醫生教我~~只係我自己咁洗~~哈哈~唔好跟我)

Raphael

以前用 "耳挖" 嚟挖, 後來改為平時每日沖涼都洗耳仔
只要持續每日洗, 應該入面唔會積聚太多耳垢 ; 有時覺得洗耳仔之後, 入面依然 feel 有野, 就用綿花棒

aegysd

我每日沖涼都洗耳仔，用棉花棒，
除非好痕，否則我好少用耳挖。

ssss41357

我就通常每日沖涼洗埋頭,洗頭會有少量水經耳仔彈入耳內,沖完涼用綿花棒~

刻意入水入耳內好易發炎(部份人),小心!

小瑟

我都想傾呢個話題好耐了!!!

唔知 ROADSHOW成日講既耳舒潔得唔得架呢??
我想試下清一清個耳仔, 可能聽歌都正D唔定呀~~~~

小瑟

自然既做法應該係唔駛理佢... 但係慣左...以前有人同我R...
呢幾年都係自己搞掂, 靠感覺同聽聲用金行果D耳屎挖黎R..., 原本都好地地, 就係早兩年貪過癮用果支"耳X潔"噴左幾下... 頭幾星期係幾爽, 之後冇用, 再隔一排 ...
大佬John 發表於 2009-7-29 03:02

咁枝野即係好定唔好??? 點解用完好似唔好咁, 但最終都好似好有用???