《L.A. Noire》團隊次世代新作《東方婊子》首段實機影像洩露

@肥狗仔@

[YoutubeHD]zvYItjarExc[/YoutubeHD]

R星近年其中一款失敗之作《L.A. Noire》，有關開發團隊Team Bondi的下一部作品《Whore of the Orient》上年被正式確認，並預計於2015年登陸次世代主機。但自本作公佈以來，不如意事就接連出現。首先在《L.A. Noire》推出不久就發生裁員事件，而其遊戲名稱(東方婊子)又引來不少爭議，另外原發行商華納亦傳已經喺2012年末決定放棄發行遊戲。

正當遊戲貌似要面臨難產之際，VideoGamer今日就放出咗一條，聲稱係本作嘅1分鐘實機演示。喺片段中，我地見唔倒任何婊子，但就見倒一個跑到好似Temple Run咁嘅老外主角，喺一個明顯係中國城鎮嘅地方與強國人進行各種打鬥。片段並冇實機音效，未知強國人有冇粗口夾雜，不過畫面就認真一般，實在叫人難以相信係次世代作品。之前有傳本作與《L.A. Noire》使用同一款動作捕捉系統"MotionScan technology"，如果係真的話本人倒有興趣想知道果D演員係點樣行路。當然，唔排除有關片段屬於Alpah甚至係Prototype階段的影像，畫面差少少可以理解。

根據本作編導Brendan McNamara嘅講法，《Whore of the Orient》故事發生係1936年，當時地球上最腐敗最墜落嘅上海市入面。好吧，我唸就算俾佢出得成都打唔入中國市場...

海盜

L.A. Noire 係失敗之作???
有咁差咩{:9_419:}

@肥狗仔@

海盜 發表於 2013-8-5 22:31
L.A. Noire 係失敗之作???
有咁差咩

與R星其他sandbox遊戲相比，《L.A. Noire》唔係達標果隻，無論係銷量定評價上。R星近年不斷減產，玩家對佢每一款作品都寄予厚望，所以通常都係"期望愈大失望愈大"。但低處未算低，上年嘅《Max Payne 3》口碑銷量相對仲差，當然就業界整體水平而言，哩D所謂失敗之作已經算係上等質素。

原明

其實係唔係佢d game玩法變化唔多？好係隻隻都差唔多咁。

@肥狗仔@

原明 發表於 2013-8-9 08:45
其實係唔係佢d game玩法變化唔多？好係隻隻都差唔多咁。

每間開發團隊都會有自己善長嘅遊戲，而每間大財團都會有自己賺錢嘅一套方法。R星最受歡迎都係旗下嘅sandbox作品，縱使玩法唔會差好遠，只係題材唔同，規模唔同，style唔同，但你不得不配服R星所創造的每一個世界都有豐富的遊戲性同說服力，玩家容易投入其中。如果哩樣野只係R星先做得到，咁佢地做死一類game都唔係問題。如果他日R星走去做咩FPS遊戲可能都做唔惦。當然，若果係講同類遊戲氾濫的話，R星遊戲遠未去到果個地步。

原明

所以用上續集的模式會較易接受好以RDR玩味十足。

@肥狗仔@

原明 發表於 2013-8-10 07:41
所以用上續集的模式會較易接受好以RDR玩味十足。

開發續集定新作有時都睇返市場同idea。RD本身就係款一般的射擊遊戲，但RDR就用返1代嘅世界觀去改頭換面做一款sandbox大作，有8成人都未玩過第1集，但佢地都好buy哩款西部作品。睇下COD，評價只有愈黎愈差，最近一集已經開始消量下跌情況。續作與新作，個人睇得唔係咁重要，質量先係重中之中。

原明

係，事不過三，有時都是對的。質量真是十分重要。

michael360

Best game ever !