令她懷孕初期又驚又喜...

chucm

令她懷孕初期又驚又喜...
【太陽報專訊】朱茵自去年為老公黃貫中（Paul）誕下愛女叉燒包後，不時把女兒的生活照放上微博分享，眼見女兒愈大愈得意，兩公婆亦有意追番個仔，日前Paul與腹部微凸的朱茵於中環睇婦科醫生，Paul未有理會記者問題，小心翼翼拖住老婆。

現年41歲的朱茵，自去年10月為黃貫中誕下女兒黃鶯（叉燒包）後，除專心湊女外，更積極收身復出賺奶粉錢。叉燒包眼仔睩睩肥嘟嘟，相當討人喜歡，早前朱茵更大爆向來性格火爆的Paul，每次見到囡囡都即刻收火。

不經不覺叉燒包已8個多月大，眼見女兒愈大愈得意，兩公婆亦有意為叉燒包追多個細佬。日前下午4時許，身穿牛仔褸配低胸短裙、厚底波鞋的朱茵，與Paul現身中環皇后大道中，早前減了17磅的朱茵，當日見其腹部微微凸起，翹住老公進入附近一幢診所林立的商業大廈，當中包括婦產科。兩人甫見記者即甚為愕然，問他們去哪裏？Paul未有理會，身旁的朱茵只拋下一句：「唔好意思。」然後與老公十指緊扣搭升降機上樓。逗留了個半小時，兩公婆手拖手離開商廈，步行到附近停車場取車走人。

其後記者問到朱茵是否再度有喜？Paul經理人說：「哈哈！咁奇怪？我啱啱返香港，未收到呢個消息喎！（影到佢哋出入醫生大廈。）係咪行街咋？可能去行街買衫，Paul成日叫朱茵得閒就陪佢買衫。可能大家覺得佢BB太得意，所以大家心急咗啦！」

曾批一成懷孕機會

chucm

此外，朱茵在書展推出新書《6磅10安士》吐心聲，更揚言是給囡囡黃鶯的情書。身為基督徒的朱茵，於書中表示曾被婦產科醫生指只有一成懷孕機會，加上要面對被外界狠批未婚懷孕，令她在懷孕初期又驚又喜。她將由發現懷孕到誕下囡囡的每一個珍貴時刻都記錄低，並與Paul充當囡囡的私人攝影師，在書中刊出多張從未曝光的溫馨照。

ryanytwong

唔知點解D明星鍾意用食物名做bb既乳名{:9_419:}

gkfp

襯嫩好生喇, 兩個都唔細.