Atlus破產? 我想死 update:俾世嘉買了

@肥狗仔@ · 發表於 2013-6-29 21:58

Will 發表於 2013-6-29 04:30
反而我覺得老任不斷接收緊日本既中小型製作
較明顯既係接收左日式恐佈遊戲系列 - "零", 呢個系列每集銷量 ...

原創game要賺錢唔洗什麼大製作，內容岩玩家口味已經可以。若果市場需求變左，開發團隊的製作思維都應該要變。本世代主機出左8年，係近幾年先叫做見得到日系廠有根本上轉型的決心，而且仲係資本比較充足的大廠。至於其他日系中小企，佢地的目標多數只係執著於點樣係當地市場生存。Atlus係比較好的一個，因為無論日本定歐美佢地的遊戲都有唔少fans，但口味仍然係比較窄。今次如果Atlus破產，個人都唔會感到意外。

至於任天堂，對於近年的第一方非瑪里奧作品的發行上，感覺老任都係比較被動的。事實上個人覺得任記對瑪里奧家族的依賴一直都冇改變過。佢地的所謂"獨創"好大程度只可套用於主機上面，至於遊戲，如果有關創意唔係建基於瑪里奧家族上面，就係佢地所謂"唔善長的領域"。如果有老任製作人想話整一款FPS打杖遊戲，高層可能就會問佢入面D士兵可唔可以轉成瑪里奧。係咁嘅情況之下，就算Atlus比任記收購左都只有保命的作用。Atlus唔係一間獨立工作室，佢有做發行，旗下仲有一堆遊戲作品。假若比老任收左，以老任哩種唯我獨尊的性格，Atlus仲可以推出幾多遊戲都成問題。所以當個人聽到PlatinumGames係WiiU上面推出兩款獨佔作品之後就極之反感。雖然都係老任投資的項目，但若果PlatinumGames要成為世界一流的開發團隊的話，最好都係將自己的創意向更好的平台進發。一來WiiU裝機量唔多，二來WiiU仍然係瑪里奧的代言人，好似Little Big Planet般的待遇實在不能寄予厚望。

早幾日經過黃金見到最新的Lugi試玩。不論部機定隻game，感覺就係DS的高解像版本。人地MS花左一個月就已經向玩家屈服，而任天堂，如果話唔知道自己發生咩情況就係呃人的，相比起發行第三方作品，個人更希望任記可以係自己的第一方原創作品上落多D力。