天機-富春山居圖 (副題 : X街-金翅中伏鳥) 含少許內容

ryan2012

未睇住都有少許期待, 林志玲呢D好似食左防腐劑的美女  + 幾天然的美女張靜初 已好吸引
劉華唔洗點講, 一貫形象不過不失但無特別........

睇睇下就............@#%^@##%^#^!~%$#%~~!!!!!!!!!!!!

當一套電影淪為只為賣廣告的電影時, 會剩下甚麼? 係除左美術美感外乜叉都無!!!
成套戲九唔搭八凌亂不堪! 每個地點場景都好靚好美, 靚車靚酒店靚女靚景, 直頭好似睇緊旅遊特輯咁
不停出產品名字, 不斷出靚車, 無限性感女郎(非女主角)供應 (靚唔靚見人見智...)

但個故事好鬼亂, 呢頭偷完果頭又話失敗左, 俾另一幫人中途攔截, 但又無拍.........只係口頭交代.......
仲有D往事又得閒插一兩段咁, 但又唔係重要到一定要係果個時刻插入喎,
動作打鬥果到真係笑到出聲, 只能用低能2個字形容........  特別要講的係, 臨尾劉華對佟大為...........無啦啦打打下有一對劍擊劍 ........咁2個人就著哂成套劍擊裝, 戴埋劍擊面罩咁打起劍擊上黎了  救命呀 點解無啦啦打劍擊的??????????奧運會咩

講起佟大為又想講, 做乜野搵個中國人扮日本人, 仲要一時講粵語, 一時講英文, 一時講日文呀..........
仲有d CG....................唉.............CG究竟係想造出模擬真實的物件定為左話俾觀眾知呢D係 CG而造CG呢??
CG流到爆, 好似睇緊幾年前爆笑電影 <機械俠> 果D咁........真係............
成套戲睇到中段已想嘔血 , 後段直頭想割櫈走人


如果<<無視劇情>>的話, 呢套真係一套唔差的戲
林志玲真係靚爆, 拍到佢好似十八廿二咁, 皮膚又好身形又正, 連魚眉紋都唔多覺!! (P.S. 林志玲已近四十之齡)
每次佢出場都係吸睛之最, 其他角色(劉華張靜初等)都變得透明般


總結..........睇車睇美女睇景就好值得一睇 (一睇好了)
睇戲就......................張5X 6X蚊去食左佢吧啦

場崎良美