Speaker 4, 6, 8 ohms 分別?

XHT

喇叭的抗阻 和 擴音机的配合, 對音質有多大影响?

通常AV擴音机是自動調節, 但兩声道的很多時有4 ohms 和 8 ohms 選擇!
當喇叭的抗阻 是 6 ohms 應選 4 or 8 ohms 才合理?

如 LS3/5a 是 11 or 15 ohms 時, 沒有選擇下, 只可用 8 ohms...
到底事实上有什麽影响?

希望有心得的大大, 多多指教!

zoneaudio

無影響輸出細左，15歐對電壓要求比較高，電流會細d,所以適合用膽機推
，當然要買有16歐輸出架啦，
4歐喇叭對電流要求高，石機推會全面d,其實膽機都ok,睇下夾唔夾，
6歐就好玩la,駁4又得，8又得，邊個好聽就用啦

XHT

多謝zoneaudio兄, 但我好想明白, 但又似是不完全理解

kkkiu

XHT 發表於 2013-5-6 14:48
多謝zoneaudio兄, 但我好想明白, 但又似是不完全理解

其實就好似水喉供水的道理。

4ohms姐係大水管，15ohms小水管。

咁4ohms既喇叭因為水管大，要求水量多，流量就要快!咁石機就能夠提供大量的水(電)流供水，但問題係石機雖然水流大，但如果佢時唔能夠在突然急速要大水既位置保持水壓，咁就會腳軟(失真)。

而15ohms小水管，雖然要既水流好似不多，但如果喇叭突然急速要大水既情況出現，咁水(電)壓就要足夠啦~呢方面膽機在保持平穩電壓上有優勢喇~!補充一下，其實要大電流的位置膽機都會有電壓下降的情況，但膽機不像石機會特然急降，而是線性地慢慢回落，咁呢種失真聽落就比較自然啦~!

有錯各位請指證~~

XHT

kkkiu兄的比喻令小弟領悟了!
如擴音机是自動調節的, 那麽它怎樣測知喇叭的抗阻 是 多少?
如set 錯了會否 把 喇叭 推燒!

kkkiu

小弟其實都係小學雞，我未聽過有自動調節抗阻輸出的擴音機。

如果你插錯阻抗輸出，正路就唔會燒器材既，結果會係同一音量輸出時喇叭會大聲左或細聲左。

zoneaudio

XHT 發表於 2013-5-6 18:22
kkkiu兄的比喻令小弟領悟了!
如擴音机是自動調節的, 那麽它怎樣測知喇叭的抗阻 是 多少?
如set  ...

spk後面水牌應該有寫幾多ohm,亦無阻擴自動調啊,
一般amp都有overload保護,石機只要唔好開到失晒真係好安全,
燒喇叭通常都會燒高音先,因為失真時正絃波會被剪峰,變成方波咁既樣,
隻高音頂唔住即死

XHT

明哂！thx！