本地獨立樂隊《Modern Children》點解我宜家先至聽呀?

tinsly · 發表於 2013-3-15 03:52

本帖最後由 tinsly 於 2013-3-15 09:41 編輯

剛剛屋企執碟時,見到我有隻唱片,封面好清新下,一個東方小朋友好開心在草地跳起.

喺我腦海中這唱片十分陌生,何解我會買呢????
仲要並非二手平價入,
「Modern Children」這名字完全唔知邊個,聽都未聽過………
頂多見佢個文字推介吹到好勁而入(但睇落這些文字推介都吸引唔到我)………
………我點解買這唱片???真係百思不得其解.

這唱片太奇怪了,於是拆嚟聽下咩料.
我明明係忙碌執緊野,但突然坐定定聽足全張碟,正確嚟講係REPEAT ALL三次聽足全張碟,本地獨立樂隊Modern Children首張同名大碟!!!

先簡介下Modern Children
引用FACEBOOK:

「Modern Children 是於2006年冬天成立的一隊香港獨立搖滾樂隊。成員包括Kenneth、Jimmy、Chih、Tony、Lung Wei 和Winnie。

如果用一個詞形容Modern Children，最適合不過的詞語是「繽紛」了。他們喜歡玩不同類型的音樂，以另類流行和後搖滾音樂為主﹔有別於傳統搖滾樂隊，除了以結他、低音結他和鼓的演奏外，亦會以不同的樂器演奏，如手風琴、Rainbow Bells、二胡等, 力求得到不同的聲音，他們的演出保證目不暇給;他們的音樂「繽紛」，可以溫婉甜美, 又使人血脈噴張。樂隊演出經驗豐富，多次為海內外著名樂隊作暖場嘉賓，如英國樂隊的The Charlatans、北京樂隊的旅行團等。他們熱情澎湃的演出，更帶領他們踏足不同的國際音樂節舞台，如澳門的Macau Flash 2008、廣州的NOTCH 2009、新加坡的Baybeats 2010、日本的瀨戶內國際藝術祭2010等等。2011年年底，Modern Children 以iPhone/Android App 形式發放其首張同名大碟供免費下載。2012年1月14日樂隊於蒲吧舉行其名為「Come Come Come Sun Live 2012」之音樂會，並於同日發布樂隊首張同名實體大碟《Modern Children》CD。」

TRACK LISTS:

1.《FIRST SONG》
一首純音樂,完全作為一個大碟的好引子,給大家一個小貼士,Modern Children係一支好多元化樂隊,採用多種不同樂器,一層一層慢慢展現出來,由一個恬静,延伸至澎湃,氣紛似一個人凌晨獨自半摸黑行上山,之後終於上到頂峯望見晨曦初現,十分熱血!!!

2.《MONGOLIA》
顧名思義講蒙古,以一首蒙古童謠為主體,不過聽落卻有種瑞典清新民謡感覺………
一個小提琴,加上鋼片琴的跳脫演繹,人人都會聽得好開心,留意OUTRO的結他,好舒服.

3.《TREE OF LIFE》
短短一分五十八秒的歌,就已經完全令我拍案叫絕!估唔到一支本地獨立樂隊,能做出如此出色的音樂及聲效!!!!
一首非洲音樂,聽聽下記起,原來這歌當年903其中一段間場廣告用過,听《TREE OF LIFE》不奇然會想起RubberBand的《細街杯》,都係加入大量非洲音樂元素.這歌所運用的各種敲擊樂合奏時,做出一個頗為有趣的空間感.

4.《STAR TRAIN》
節奏緩慢下來,彌漫住一股哀怨,好聰明一首ROCK SONG,加入二胡,令其更凄涼.
人聲EHCO好重,要突顯他們是INDIE BAND????歌曲旋律很優美,當然個編曲更值得加分,造出一個極有氣紛的環境,特別中段MUSIC BREAK,真係只能用「悲愴」二字形容.

5.《SPIRIT BIRD》
回復清新正面,加上一些電音元素,個鼓做得不錯,你會不奇然跟住打拍子.

6.《HOME》
這歌略帶BEATLES感覺,正確黎講係MATT COSTA,整體完全貼題.加入口哨聲加花灑聲,目的要你放鬆心情,就像回到家中一樣,毫無壓力的一刻.

7.《TIME TO GO》
另一首帶BEATLES感覺的歌,但我更愛曲目所探討話題,LET IT GO!!!!

8.《REPRISE》
《MONGOLIA》內所採用的蒙古童謠ACOUSTIC版

9.《SOMEWHERE ELSE》
歌曲的口風琴,不禁想起JACK JOHNSON的《Losing Keys》,但最精景係段OUTRO!!!!「我係小忌廉」!!!!

10.《ITALY SONG》
一首極流麗的歌曲,旋律真係好感動,完全融了我的心.個意境令情緒沉溺在灰色中,好正!!!
不過有個有趣位,中段MUSIC SOLO,聽到個結他想彈快D密D,但力有不遞,同個鼓唔多配合.

總結:
聽完《Modern Children》好震撼,
令我想起當年第一次聽MATT COSTA《SONGS WE SING》和 THE MANCHESTER ORCHESTRA《I'M LIKE A VIRGIN LOSING A CHILD》,

同樣係大家的第一張發行大碟,一股有熱誠,又有新鮮感的衝撃!!!
好後悔點解2013年3月,先至聽Modern Children的2012年1月已推出同名大碟,遲了一年才認識這隊有態度的新聲音!日後要多加留意他們動向了!唔好做「一碟樂隊」呀!
BTW,我有個小建議:
「Modern Children,我諗你地揾個唱歌穩定些,音準好些,咬字精準些,聲線帶個人味些的主音,你們的事業會更上一層樓」

First Song