如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 Hon 於 2013-3-9 01:44 編輯
今晚睇左呢個特別場....
我自問對電影既熱愛未叫狂熱, 因為由22世紀殺人網絡至開始鍾意睇戲, 直到現時為止真係睇左唔小, 所以對電腦既過去甚至發展都想知道, 咁啱有我最LIKE睇既名星做呢套紀錄片就啱晒啦.
呢套紀錄片主要講菲林同數碼既演變過程, 某程度上其實同社會既進步一樣, 無人鍾意/想退步, 但有時候就好似彩虹咁, 對我呢種唔LIKE落雨天既人黎講, 只要落雨就心情唔多靚, 但偶然落一陣, 雨後出現既彩虹情境反而令你覺得好靚, 自不然停底望下, 但望得一陣後就無左, 就等同如果無菲林對電影帶出存在的話, 今時今日既數碼電影拍攝都只係空談.
但往往世事就係咁,變化所帶黎既衝擊好多時會令人眼前一亮, 再加上種種原因, 例如金錢, 時間, 甚至靈活性等等都有所不同既時候, 自自然然就會去學習, 認識, 跟住就係活用.
其實我都好認同呢點, 用最短時間, 最小既金錢去達到最大既收益, 從生意學上黎講絕對值得去應用, 但隨之而後產生既問題我都係睇完至醒覺.
原來依家仲有好多戲都用緊菲林拍攝, 就好似TDK, MI4, WAR HORSE等等.
本身我對睇戲都無刻意去區分佢個SPECIFICATION, 即係DOBLY, IMAX, 3D等等, 但原來菲林拍出黎既效果同數碼比較之下, 數碼一定靚好多同清好多, 因為佢可以執到好為止, 甚至執到更好都可以, 但問題就出現啦, 回憶返數碼拍出黎既戲, 就好似近年成日講既熱門話題-整容一樣, 我會覺得套套戲都好靚, 靚得黎會唔會又執得太相同呢? 點解大家相對下都咁完美呢? 而完美得黎又點解會似似地既呢? 我諗答案就係... 現今社會包裝已經成為比內在更主導既演法, 從而大家就麻目地接受完美等於必要既道理.
菲林就倒轉, 佢係要靠在場專心人仕指導至可以拍到心水既拍法, 當然啦, 到沖出黎之後睇毛片時至知是好是壞, 但佢既另一個特別就係咁, 如果拍既時候心入面只會記住錯再可以後改的話, 對導演及演員其實都唔係好事, 所以訪問入面某D大導演都好認同呢個意思.
訪問入面仲講左小小3D問題, 但只係輕輕帶過, 而我又幾認同佢地既講法, 如果講市場主導, 甚至電影業的話, 3D只係一個過客, 玩下算啦.
話短唔短都睇左90幾分鐘, 同埋我真係依家至知原來已經發明左可以拍到4K以上既大機, 利害.
除此之外, 都想講一樣題外話, 就係...希望鍾意入戲院睇戲既大家, 除左顧及到自己用真金白銀買張飛入場滿足自己之外, 亦希望顧及到在場其他觀眾, 遲到除左睇唔到開頭之餘, 最重要係影響正在睇戲既觀眾, 呢樣真係要謹記至得.
多謝大家收睇.
|
發表於 2013-3-9 01:38
樓主
