喇叭線反相會點

hintel

多口問句~
咁如果一隻正相一隻反相咁又會點啊?
245141525 發表於 2009-6-20 15:47

有機會沒有聲,因為2隻speaker出來聲音互相cancer

大佬John

多口問句~
咁如果一隻正相一隻反相咁又會點啊?
245141525 發表於 2009-6-20 03:47 PM

應該咁講, 一隻喇叭正負極駁o岩, 而另一隻掉轉駁, 就係反相
反相其實已經講緊兩隻(或以上)喇叭之間相對既相位, 純綷一隻喇叭係唔雖要理相位, 又如果兩隻喇叭都駁錯正負, 其實呢兩隻喇叭都係 in phrase(正相), 只不過係正負掉轉晒, 係另一個問題, 同相位無關

sum up一點, 相位正確 不等如 正負極正確, 因為住部喇叭都駁錯的話. 都係in phrase的

粟米湯

又學到嘢....

rlwk2009

放心，唔會燒喇叭的，只係反左相，反相時 以播人聲 CD 為例，正相人聲係兩隻喇叭既中間，反相時你會聽到把人聲係隻喇叭後面既空間出聲，合唔到像 ...
Roy 發表於 2009-6-20 14:48

laiho

即係一隻駁錯其他既跟住咁錯又冇問題?負負得正?
全部啱同全部錯效果又有冇唔同呢?

大佬John

全部駁錯唔會有反相問題, 但係有電子層面正負調轉既一般問題.....我唔識

pokingrun

有好多測試既CD,DVD都可以試到有冇反相.

正如Roy所講,正相既人聲在兩只喇叭中間.
反相?試下咪知o羅

米赫洛域

買隻皇帝位試吓啦！

coffeemate

擴音機輸出到喇叭既信號(電流),其實係交流信號黎.所以就算喇叭線正負對調接,都唔會燒機的.
正常黎講.一對喇叭接線既接位正確.(正搭正,負搭負),當有交流信號時,電流會令一對喇叭同一時間向前,或向後反覆移動.(咁樣叫同相)!!而如果兩隻喇叭都同時正負線對調(擴音機輸出正負不變).咁只會令聲音既定位改變.但如果只係對調一隻喇叭既正負,(即有交流信號通過時,一個喇叭向前,而另一個喇叭就向後移動),如果你在兩個喇叭既中間位置聆聽,你會發覺d聲音會好怪.d聲唔係同一時間發聲咁.而同時低音會變得好細.
如果唔清楚隻喇叭既接觸位係正or負,有個好簡單既方法試.用1.5v既電芯.用電線接落個喇叭既接線位裡.留意喇叭面,當通電時.如果個喇叭係向前移動.咁証明接觸電池正極既喇叭接線位係正極.返之向後移動,就係負極.