NVIDIA進軍遊戲界，新型手提遊戲機"Shield"正式公佈!

@肥狗仔@

NVIDIA進軍遊戲界第一炮: "Shield"

當你第一次喺PSP上面見倒「芒亨」實機畫面嘅時候(親身接觸)，你或者對入面逼真嘅3D畫面大感驚訝。面對著日新月異嘅科技，你有冇曾幾何時幻想過喺不久嘅將來會有一部性能比美PC嘅手提遊戲機出現? 如果有的話，今日NVIDIA於CES2013上公佈的新手提遊戲機可能就係你杯茶，至少非常接近。

[YoutubeHD]bk5qjlwnqQQ[/YoutubeHD]

喺今日美國拉斯維加斯消費電子展2013(CES 2013)的展前發表會入面，當一眾電子迷都聚焦喺一堆4K電視及收縮螢幕手機嘅時候，由顯卡製造商NVIDIA所公佈一款代號為”Shield”的手提遊戲機則引起了整個業界的關注。

這部新型手提遊戲機Shield一如其名，外型為揭蓋式。機身上端為5吋輕觸式螢幕(可拆卸)，下半部則為控制部份。喺開啟情況下，有如一部只有上螢幕嘅NDS硬加一個XBOX360嘅手制喺下面。而機身大小亦有如一隻XBOX360手制。

比較XBOX360及WiiU手制

根據NVIDIA CEO 黃仁勳的演說，Shield的CPU採用了最新的Tegra4晶片(72核)。機身附有MicroSD﹑Mini USB及HDMI插口，並支援294dpi的720畫面。通過HDMI，Shield更可以將4K影像輸出至有相關支援的顯示器上。於一般遊戲情況之下，Shield可以提供一次10至11小時的遊戲時間。至於單純睇片就可以長達24小時。

另一方面，Shield使用了Android系統，除左一般Android遊戲之外，更可以將PC上的遊戲以Wi-FI方式導入，並直接以Shield上面之細螢幕遊戲或輸出至大電視玩(類似WiiU)。有咗Shield，喺手提機上面玩高階PC畫面遊戲就唔再係夢。(當然帶出街玩就仍然係夢，未知本機會否支援Cloud Game)

遊戲《Dead Trigger 2》演示~此遊戲的引擎為UE4

黃仁勳表示，Shield將會於本年第二季度登陸美國及加拿大。雖然Shield嘅詳細資料包括具體規格及價錢仍然有待進一步公佈，但哩部打著「家用遊戲機級操作體驗」嘅手提機喺如今手機遊戲熱潮下勢必會成為一時皆話。

打機同睇戲係不可或缺的

*其實不單止Shield，未來有幾家非「御三家」的公司也打算進軍遊戲界，包括Android專用遊戲機OUYA﹑主張Cloud Game的OnLive及傳聞已久的Valve新家用機”Steam-Box”。再看這部Shield，如果沒有PC遊戲傳輸功能，就和OUYA一樣實質就是Android遊戲機。問題係，倒底將手機有得玩嘅遊戲搬到電視遊戲上，會對業界產生什麼影響，我們仍不得而知。但聽各大遊戲廠嘅口敏，Cloud Game貌似係未來可發展嘅重點之一。特別對機能永遠有限嘅手提機黎講，可以通過連接負責貼圖及遊戲運算嘅伺服器，享受有如高階PC的遊戲畫質，的確係一個發展潛力。之前就有報導Onlive被一家不明公司所收購，如果這家公司係NVIDIA的話，我地就可以明白為何佢會喺哩個時候推出Shield這麼一台手提遊戲機。事實上同日NVIDIA就公佈了一個名為GRID的Clould server，說不定日後Shield真的會成為Cloud Game的首要平台呢。

Shield正/背面圖:

12lui12

又是我們一大福氣

rockerlam

部PSV D制好細好難按，呢部睇落會好按D

taifat1975

科技真的越來越強！

lawzelda

强到離晒普

SEGA1119

看過發布會，對其很有購買欲，只希望別超過港幣3000就好。過左3000元就覺得太貴，和將會大大減少其的市場競爭力！

沙煞比

期待真機個效能到底可以點玩法

@肥狗仔@

SEGA1119 發表於 2013-1-8 10:59
看過發布會，對其很有購買欲，只希望別超過港幣3000就好。過左3000元就覺得太貴，和將會大大減少 ...

SEGA兄好耐冇見 話說哩部Shield。老實講就算佢2500樓下我都要考慮，當佢係純粹Android機用我倒不如買過部手機或者平板，如果真係用佢黎玩PC遊戲，我買過隻X360手制手感唔會比佢差。要手提玩嘅，咁已經關係到部PC嘅配置，根據最新資料，要Shield同PC聯動，PC就一定要geforce 650以上先得(ATI冇行)。除非本身已經有，否則就算買相對低階嘅650亦都要重新升級過。所以如果佢未來唔對應Cloud Game的話就真係唸唔過。加上今年次世代機如無意外就要出，留返D錢買新機好過。