好期待既Panasonic GH3 (12樓追加短評)

titus614

小瑟 發表於 2013-1-2 13:29
你講得冇錯啦, 買6D一定保值好多呢~~~
PAN記呢隻, 之後想放都有一定難度呢~~~~ ...

唔好引誘我啦...自從上星期多手揸完部C記 EOS 6D之後, 個心一直心癢癢移情別戀喇.....好想入6D呀 !! 不過一唸到又要從頭入過D鏡, 相機袋, 防潮箱 ...一堆一堆配件就要慢慢計吓BUDGET先...加埋支鏡可能要食多一排樹皮先入到, 不過6D論手感, 論功能制編排位置, 論價錢甚至相片質素都係我UPGRADE首選... ~~~死忍住先 !!

titus614

有幸借到朋友剛到手Panasonic旗艦級既GH-3用咗半日有少少感想發表一下:

首先值得一讚係整體用料機身質感係不錯的...唔計幾個Function制未set好, 其餘ISO, WB, 暴光+/-, Play制都正正常常就手, 快門係算爽快既加咗直把手都睇得下整體幾夠balance既, But缺點嚟喇 ...機頂個暴光+/-每級差別比O記機大咗d微調上有d唔上唔落feel~要入去menu教先有密比d調教(呢樣係我少少雞蛋挑骨頭既問題啫...)另外個Mon隔離個轉盤同之前相機展覽Demo機既review講法一樣(俾右邊防滑面凸起而影響到轉動流暢度, 如果男仔手指公粗大d轉動時少少頂頂地, 雖然唔係咩大問題只係少少唔舒服...去到最唔舒服要扣分既係:

一) 個EVF雖然數字上有174萬像素, 但好似同我隻Olympus VF2 140萬像素視覺上差不多, 而且GH-3隻EVF有d魚眼Feel四邊變形"非常"嚴重好影響拍攝呀...點調教+/-都係四角彎彎地...O晒咀唔知之後有冇觀景器配件換

二) 調教快門同光圈數字依然都係Pan記style行Bar顯示而唔係跳字, 我申報自己之前唔係Pan記用家覺得好唔習慣...可能用開Pan記相機既師兄會習慣冇咩嘢, 但我用開O記視覺調教上好唔舒服..

三) 用25／1.4鏡頭出名對焦好快, 就算"拍"在我部EP-3都感覺比我支12／F2更快, 狠, 準, 但用喺GH-3又未覺有再upgrade之感都係同我部舊機打個平手...

到GH-3最強項拍片加上支12-35恆定2.8係好OK强既...但對比之前我提出果2.5~3點缺點既扣分, 本來之前重十五十六爭扎中入唔入呢部"旗艦價"既GH-3...今次試機令我已經打消了念頭專心選擇轉回單反入手好了...除非日後有個"進取"d既價啦...

今次試玩咗短短半日出住d 皮毛cheap cheap 用後報告先, 等其他專業d既師兄再出pro既review喇...多謝觀看!!

titus614

titus614 發表於 2013-1-23 23:31
有幸借到朋友剛到手Panasonic旗艦級既GH-3用咗半日有少少感想發表一下:

首先值得一讚係整體用料機身質感係 ...

多謝版主加分...!!

其實我睇返自己既review都驚俾d師兄話我刻意抹黑部GH-3...但自己之前都真係好期待呢部Pan記旗艦機表現~OK既話我都會希望能夠繼續upgrade返M43器材, 可惜最令我十分失望係個EVF四邊扭曲變形問題點解會禁㗎, 作為一部所謂旗艦機話平唔平話貴好多人都認同, 捨得買呢部機既人大多有dd要求既用家, 而且拍攝嚟講個EVF都幾重要下...個反mon對我嚟講好多時只係兼埋拍片; 睇相睇setting多...實際構圖大多仔細用EVF睇住對焦, 禁樣質素我望咗半日都依然好唔習慣...而部機既其他功能特別係"拍片"真係好得...但我覺得揸住部相機既物體嚟拍片手感好麻麻~手腕控制好困難 !! 不過呢d都只係時間問題可以慢慢再習慣返~唔知有冇其他師兄買咗or 試咗都俾d意見, 可能以上都只係我自己期望過高而負面咗啦...Thx!!

ahnel

titus614 發表於 2013-1-24 11:10
多謝版主加分...!!

其實我睇返自己既review都驚俾d師兄話我刻意抹黑部GH-3...但自己之前都真係好期待呢 ...

有讚有彈先係健康o既討論風氣, 師兄有好o既分享我一定會大力加分~

小瑟

正喎有得試玩, 不過得半日真係唔夠呢~~~

titus614

小瑟 發表於 2013-1-27 22:06
正喎有得試玩, 不過得半日真係唔夠呢~~~

好多謝小瑟兄禁重手禁加我威望, 我第一次收到+100~Thx !!
講返部GH-3~其實今次試玩對我嚟講係失望的...雖然只有半天試玩唔可以好忠實禁一言兩語去客觀評論部機好與否, 但對我自己經常會用既Function嚟講驚喜真係唔大, 反而前日去相機舖試咗部舊款N記D7000反而有驚喜喎...而家只考慮一步上FF既D600好還是平平地入住部D7000將budget偏向買多支靚d既鏡頭, 邊玩邊等下水新機希望入塵情況改善咗先買部好d呢?

ahnel

titus614 發表於 2013-1-27 23:40
好多謝小瑟兄禁重手禁加我威望, 我第一次收到+100~Thx !!
講返部GH-3~其實今次試玩對我嚟講係失望的...雖 ...

其實D7000都絕對係誠意之作，佢同D600都好相似，師兄唯一要考慮o既係FF鏡真係比DX鏡貴上不少～