Call of Duty Black Ops II

@肥狗仔@

百忙中抽左D時間爆機，一兩句評論。整個流程最出彩嘅部份為臨尾幾關，航母受襲到最後強攻敵人基地，內容緊張刺激。特別係市區戰氣氛渲染係系列中最好。

COD4係系列嘅一個轉捩點，其中一個原因係佢以現代戰爭為背景，而今集又以未來戰爭為背景，理應帶領系列再前進，但無奈本作某D地方局限左遊戲喺呢方面嘅表現。前半部回憶部份佔好重，但又插入未來戰，令未來戰得唔到充分發揮。而且要知道COD4都係中途插兩關回憶關卡而已，而且回憶關卡同現代關卡仍然唔會有太大落差。但今集，回憶部份同未來部份無論係裝備，敵人配置及建築都有唔少分別，搞到個流程好似一舊舊咁樣。另外就係T社今次係以未來戰爭做主打，但佢地應該冇喺「未來戰爭」哩個主題上花太多時間去鑽研，除左軍備，敵人及其他高科技之外，遊戲玩法並冇因為未來戰爭嘅引入而有咩大轉變。製作組亦冇展示太多只有未來戰爭先會有嘅獨特情節或者戰略部份。當然，爬山﹑蜘蛛仔哩D元素喺遊戲黎講仍然係新鮮野，但就槍戰game然而，實在冇咩發揮。

今集另外一個亮點就係可選劇情以外嘅戰役去玩，其中嘅守衛戰中有類似RTS嘅操作。不過因為當中唔多涉及主線，所以與其話係單人流程，倒不如話係將原有嘅第四個遊戲模式格硬併入單人流程入面更好。但無可否認，劇情選擇﹑唔同結局，裝備選擇哩D都令本作單人流程耐玩性大增。但個人黎講，流程節奏差已經足以叫人爆一次就放二手。(如果有Ching想要的話~本人有X360版)

故事方面就唔多講，BO1首次將懸疑情節引入遊戲，BO2故事性仍然強悍，但冇解答到第一集遺留嘅問題就將所有人殺死哂，兼將上一代嘅恩怨作為未來戰爭嘅主軸。好吧，我承佢要比Rainbow six Vegas強。

畫面方面，意料之內，同一個引擎，強化嘅只有美工。至於音放，無論同BF比或者係系列作品比都冇分加，唯一彈殼聲倒是清脆了點。

BO2單人流程質素依舊，但T社嘗試加入幾種新元素，睇得出佢地真心想從中搵出一個突破點。可惜論流程嘅節奏同震撼程度，本作敵唔過同期嘅《Halo 4》。

12lui12