Mini Audio DX100 mod 個人分享

Ljason · 發表於 2012-11-8 23:57

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

一路以黎大家都對DX100嘅phone out輸出聽感就係 ”高頻上得唔盡，中頻偏乾，低頻又偏肥”，而我可能鐘情於動鐵耳機嘅關係，所以我又唔覺高至中頻上有咁大問題，反而比佢嘅高分析力，高密度所給引，人係貪心嘅，高頻再上得盡D靚D咁就更係好啦。唔知係唔係年幾開始大關係，聽歌時接受唔到大量低頻，而我對DX100唔係咁滿意嘅地方(當然唔計操作上)，正正就係低頻之上，絕對同意偏肥，重要係慢，因而似有一層濛濛感，即時另高清變得混。

直至有日收到WhatsApp有DX100 mod V1.0試聽，咁緊係即時應約，當其時花左些少操作上時間，終於到出聲，唔聽由自可，一聽第一感覺係從未聽過咁嘅聲音，上下伸弦相當廣，上得盡而唔標，落得夠深而快，最另人難忘果種Punch，就好似泰臣咁打落黎咁，重、快而到位，音場開楊而有力，不過玩到咁盡就唔耐聽，耳仔會好易疲累，同時感覺上重爭少少，但一時又講唔出，後來得知重有 V2.0方案，但都係敵唔過心魔，乖乖交出DX100。
時間好快又過左個幾禮拜，今日DX100終於回家，初步試聽感覺很中性，高中低音平衡度高，而且訊息量是比以前再多D。聲音表現有條不亂，結他弦聲絲絲入扣，還原度高而線條清晰，鋼琴聲有力而泛音延綿。人聲清甜又細膩動人而且穿透力極強，女聲輕柔溫婉細膩無瑕。比V1.0多一分華麗，更有質感。低音有彈跳力強而且層次豐富，就連鼓皮上的細微變化亦都能充份表現出來，音場深而開闊，完全改善左當初問題，低頻減肥成功。用得DX100都係唔想再加Amp，呢點我相信而家DX100 mod係做到。

以上是基於小弟之有限聽力而分享個人感覺，不喜勿插。

小結，現時DX100 mod所達到的境界相信是少有敵手。當然表現跟身價是成正比，以它現在的身價值得入手與否就多位兄弟耳聽為實。