|
|
講左咁耐, 都冇同大家分享過用呢條線既感覺......
首先, 小瑟不嬲都係一個牌子HDMI既FANS來, 係未來都訂左好幾條返來玩, 一路用落都好滿意下(咩牌子就唔再係呢個POST講勒), 就係雷總條友, 係都要比呢條野我試, 一條就夠, 我仲問佢插邊個地方, 佢話BDP去AMP已見效果. 好啦, 咁就囉左佢果條試試佢, 為左清楚了解品性, 我仲用舊線睇多一次BATMAN劫車一段先, 之後再換呢條S900入去..........
音效 - 成個環境音場大左一個碼, 定位同通透度都比小瑟有小小O咀之感, 子彈打入車既聲數得出之餘仲可以(睇)埋打係邊個位, 高音同中音都SHARP都好多, 而低頻就干淨左, 小左一陣陣駐波位(本身小瑟屋企已經冇咩駐波), 依家SUB仔打埋來係一下一下咁 UN 埋心口, 真係有驚喜.
畫面 - 唔洗講野, 黑色既色域好似加深左好多咁, 實得來又唔會死黑, 大家都知BATMAN果段係睇IMAX的, 本身條片已經SHARP, 換埋S900仲好似換左L鏡咁, SHARP得來有一份精螢感, 尤係大光燈照畫面果一下, 之前有小小灰既地方都唔見哂, 立體感豐富左之餘細節仲DETAIL左.
最後, 又一次出事啦, 插左之後就唔想換返出黎, 我仲叫雷總幫手訂多二條比部C200同AMP去TV, 你知啦, 一係唔用, 一用就一SET係我既習慣, 依家等緊雷總得嫻同我攪埋. 唯一唔好條線就係價錢比效高, 一條2M為返都差唔多千一蚊(連運費), 不過始終用開老外野, 始終都係對外國牌子信心比較足D, 呢條VIABLUE由X40同X60玩到依家, 又真係幾滿意, 所以唯有換埋一SET算啦!!!! |
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2012-7-31 10:50
發表於 2012-7-31 12:58
