一分鐘能發生的事 (轉載)

245141525

轉載自頭條日報

一分鐘之內可以發生咩事？最近美國顧問公司DOMO做咗個統計，研究下喺電腦世界一分鐘可以發生咩事，科豆睇完覺得幾有趣，揀咗幾樣同大家分享：

        facebook─係人都知fb受歡迎，搭車見到人用手機上網，十個有九個都係睇緊fb。原來fb一分鐘入面會有三萬四千七百二十二個「Like」，同六十八萬四千四百七十八個「Share」。唔知香港人又Contribute到幾多？

        E-mail─可能你會覺得自從有MSN或fb後，用E-mail聯絡係相對較少，但事實上商業用途嚟講，E-mail仍然係主導。DOMO話一分鐘就有超過二億封E-mailsend緊！

        Instagram─因為被fb收購、加上推出咗Android版本而更受注目嘅影相AppInstagram，一分鐘入面就有三千六百張相Upload。你又睇得到幾多？

        Google─係香港Yahoo始終比Google受歡迎；但講到全球性，始終都係Google厲害。原來一分鐘之內全球一共有二百萬人同時喺GoogleSearch嘢，你都咪話唔勁！

        Y
ouTube─呢個真係幾離譜，原來一分鐘入面有超過四十八個鐘頭長嘅VideoUpload上YouTube，真係時空錯亂呀。點睇呀？

        AppleAppsStore─一分鐘有超過四萬七千個AppsDownload！呢個科豆好肯定香港人Contribute唔少，無他，因為一街都係iPhone！

        可惜個統計只係全球性，唔知香港人係幾多？科豆好想知道一分鐘內有幾多人上微博留言、有幾多張惡搞圖Upload上fb、有幾多段片Upload上uHub、有幾多人上高登……

        科豆