全智賢新片《血戰新世紀》Blood The Last Vampire-P.3附有影評

kkchau

重有依套片香港係２Ｂ級，睇時明顯見倒Ｄ斬頭劈手插Ｄ特寫全部cut晒，所以應該會有unrate版碟出

Terence

呢套唔係韓片喇, 英語對白, 除左全智賢, 仲有日本既小雪呀
一定買飛捧場!!!!!!!!!!
雷因 發表於 2009-5-29 11:32 PM

咁係咪屬於法國片呢？  

雷因

係~~~~~~~~西片

劉一舟

狠批．．．《血戰新世紀》(部份涉及劇情)

昨夜和同事去咗又一城一院睇夜場，首先我聲明我冇睇過漫畫，我看此片的動機完全係受預告片吸引同埋想睇全智賢做的動作片種，怎知不看尤只可，一看就火都嚟埋，完場已經媽聲四起......呢套片嘅故事可說架構凌亂、佈局一頭霧水，睇到半個小時已心知不妙，全片打得最勁嗰場算係酒吧區，但剪接手法累事，片段剪得好碎，加上動作拍到好模糊，完全睇唔到佢地打緊乜，臥虎藏龍式的飛簷走壁、變種特攻魔間行者的穿牆破壁，喺動作場方面可以講係完全冇新意兼一啲都唔緊張，喺嗰段時間，真係捱得好辛苦，啲血腥鏡頭明顯被刪剪咗及接駁位突兀，睇到當堂冇晒癮，最好笑係嗰兩隻飛殭屍 (我估係啩)，拍得已經好麻麻，仲有啲以日本仔嘅特撮片添，喺機場追殭屍嗰段我都hour晒頭，和前一段的劇情好似甩咁忽咁，跟住落嚟的故事編排完全左扯右牽，講講吓又無啦啦扯咗去第二段，連應該最好睇的結局都全無高潮可言，做鬼源的小雪不出十數招就瓜老親，總要係俾人暗算嗰隻，咁你開頭就唔好講得佢咁X勁啦，直頭有落雨收柴之嫌，最慘係劇情連你估都估到嗰下攞膽，未睇過一齣動作片可以拍到咁鬼屎，真係嘥時間兼嘥錢.....將來出碟你都係預我入DVD算數了 (工作關係當database收藏)，若果唔係你送俾我都要考慮，此片我只給50分 (100分為滿分，仲要係有10分我加俾全智賢作破格演出而已)。

P.S. 有一場全智賢喺屋頂一路追殭屍，明明係冇帶刀套喺身，但到最後喺折住咗殭屍嗰段，竟然無啦啦又孭番喺身喎....哈哈哈

rboys

好想怏d出碟呀~~~~~~~~

劉一舟

好想怏d出碟呀~~~~~~~~
rboys 發表於 2009-6-7 18:50

咁慢慢等，安樂出碟一向上畫日起計四個月後，想要等到十月啦。

eric_on

24# 劉一舟


我睇左..唔想講喇！呢套戲我會比20分囉...因為20分都係支持全智賢...
DVD..唔好攪我喇...再睇都怕浪費我時間呀

Ken704

睇完以上影評,真係好似"奶"晒野