我的組合: 終極品聽 經典試聽大計!

ghhf

yodingdong 發表於 2016-5-10 19:06
靜電好處係distortion非常低唔怕玩EQ
而低頻亦可以去到好低, 低到有人要用HIGH PASS FILTER隔左0-20Hz嘅 ...

小弟未玩過Audioquest缐材，亦應該唔會買，因小弟而家鍾意買料自己焊接。最近入咗佢幾件細部件(USB轉頭，JitterBug)，係有效果，所以一件還一件啦，十幾萬條線，好明顯係針對另類市場，無話呃唔呃，願者上鈎啫!

小弟用雙頭USB缐，平時紅頭攞電會接住獨立一組5V電池，藍頭就接Macbook。之前兩個頭同時接Macbook係想試JitterBug並聯效果，其實小弟成個前級包括DAC都已經行緊電池，不過加咗JitterBug之後，特别係串連行數據既藍頭，主體，動態，音樂感效果明顯改善，系統有再升級感覺。

STAX系統小弟跟住會詳細品聽，然後又有排出文，小弟亦會重新再比較一次WAV，FLAC 同DSD。

yodingdong

ghhf 發表於 2016-5-11 10:12
小弟未玩過Audioquest缐材，亦應該唔會買，因小弟而家鍾意買料自己焊接。最近入咗佢幾件細部件(USB轉頭， ...

自己DIY線材
係RCA訊源訊號端試加唔同電阻話唔定會有驚喜

ghhf

yodingdong 發表於 2016-5-11 23:28
自己DIY線材
係RCA訊源訊號端試加唔同電阻話唔定會有驚喜

意思係咪接AMP既RCA缐端並接唔同電阻落地? C兄好似係行內人士，出身電子工程?

小弟將會自己整一對平衡XLR訊號線，有無咩提議?

yodingdong

ghhf 發表於 2016-5-12 14:00
意思係咪接AMP既RCA缐端並接唔同電阻落地? C兄好似係行內人士，出身電子工程?

小弟將會自己整一對平衡X ...

非行內人士,普通物理學生
接DAC個邊係線材同端口中間放電阻
接AMP個邊電阻接地----呢個技術據聞係KG發明嘅
佢亦講過可以搞到任何2條RCA線一樣聲

買線材要睇阻抗同電容值
不過而家市面上嘅線大多只會講冇功效嘅幾多幾多成分乜鬼OCCOFC
真正有影響數據嘅一津不提
我敢講某啲電子性能資料連製造商自己都唔知
反正放個99.999999999999%再加啲金加啲銀就會有人買

另外面注意普通嘅抗干擾同接觸

ghhf

STAX 系统最高規格接觸

小弟決定以最高配套規格招呼新STAX系统，係小弟個Lab直接上電池補完，減震鼠及木粒，以Young DSD平衡模式輸入，前端USB亦加上JitterBug。如此陣容，究竟小弟套STAX系統表现如何呢?

全文: STAX靜電系統到手，猜猜耳擴耳機我是誰?!

ghhf

yodingdong 發表於 2016-5-12 18:03
非行內人士,普通物理學生
接DAC個邊係線材同端口中間放電阻
接AMP個邊電阻接地----呢個技術據聞係KG發明 ...

咁咪係一邊串，另一邊並，兩粒電阻值有無咩相對關係? 參考值範圍? 效果又同電阻質料有無關?

C兄講既的確係一個市場現象，日常生活其實都係一樣，大至政治，經濟，小至個人買樓，結婚，生仔 ..... 呢個世代全部市場化，做show做勢，標旗立異，越大聲，越出位，吸引到眼球既就係真理，嚴格來講，而家d人表面係多咗自由選擇，其實係比市場洗腦，人係容易被低能化咗

yodingdong

ghhf 發表於 2016-5-14 19:34
咁咪係一邊串，另一邊並，兩粒電阻值有無咩相對關係? 參考值範圍? 效果又同電阻質料有無關?

C兄講既的確 ...

呢個技術係Kevin Gilmore發明嘅
想要還原度就串DAC果頭加電阻加到DAC嘅出口阻抗同線材嘅一樣
DAC有75ohm output Z同線有75ohm characteristic Z就乜都唔洗做
並果頭就加返同線材Z一樣嘅
不過訊源端影響應該唔會大, 因為RCA兩頭Z都唔會因頻率變動
重要嘅係AMP果頭個電阻可以防止訊號因Z突然變高造成嘅反彈
當然前提係要知道線材同DAC出口嘅Z
9成公司嘅都唔會講
而且提高還原度亦唔一定啱每個人口味
冇乜參考值...

ghhf

決擇時候 感性與理性并用

係小弟品聽STAX系统既同時，又吹下水，二次自圓其説，點解小弟既選擇係SRM-007tII及SR-507呢個組合。

首先係耳擴部份，C兄知道小弟迷戀膽管效果，又要玩Tube Rolling變化，所以小弟選以膽管作為輸出既產品型號係理所當然(與期話玩Head-Fi，不如話小弟係真玩膽可能更貼切)。既然選定要膽管產品，就係小弟能力範圍要最好既007tll，相比起006tS售價高出60%，共用四粒6GC7/ 6FQ7以兩組并聯輸出，無容置疑效果明顯係會更勝一籌。

至於耳機方面，經過硏究分析，小弟用咗不同既選擇策略，今次好明顯係考慮埋性價比，進可攻，退可守，等等因素，所以選擇咗小弟認為係上一代最成熟既型號507，而唔接近高出4倍售價既當今旗艦009。

STAX系統開箱之後，小弟以最高配置規格(小弟玩嘢又點會咁簡單，戲肉仲係後頭)品聽番一個星期先再交代聽感。C兄唔使疑惑，初聽效果係非常理想，問題係，同小弟現有既WA22膽管組合下既"一體臨場"效果比較，去到咩級別程度?! 又有咩獨特之處?! 會唔會一開聲, 就已經係小弟追求緊既"一體臨場"效果?! 密切留意，不容錯過!

全文: STAX靜電系統到手，猜猜耳擴耳機我是誰?!

Hoyan

Ching下一步係換左靜電amp裏面粒fuse

sum_gor

ghhf 發表於 2016-5-15 13:54
決擇時候 感性與理性并用

係小弟品聽STAX系统既同時，又吹下水，二次自圓其説，點解小弟既選擇係SRM-007tI ...

C兄。。。追你聽感，慘過追一星期一集的One Piece
快d出啦