愛。回家玩完？未轉人前都幾好睇的。

小瑟

一加左高鈴炸人就…

http://hittt.blogspot.hk/2015/02/1301-m1_21.html 

上星期播到七百集的《愛。回家》，因為收視持續向下，直接影響植入廣告收益，也令繼續加碼的計劃告終。據了解，大台已下令播到五月就收檔，預期拍到八百集的好夢幻滅。 
決定止血 
大台亦埋首為新處境劇埋班，據知有部分《愛。回家》班底將會有得留低，其中包括劉丹，黎諾懿，徐榮，張達倫，楊卓娜同蔣家旻。 
收視暴跌 
《愛。回家》由一二年三月開播做了接近三年，因為收視理想，其間不斷添食加入新角色，但好景不常，大台已下令收檔，大限之期：五月！即使監製徐遇安希望拍到八百集才冚旗，但公司高層一致否決，要《愛。回家》盡早玩完。 
播映初期收視平穩，長期有廿五廿六點，就算其餘兩線黃金時段劇集收視暴跌，《愛。回家》都穩得住，甚至有段時間高過兩線劇集；難得硬淨，令劇集可以不停添食延命。直到近半年終於冇法承接，收視跟兩線劇一齊下跌，只在二十點邊緣徘徊，由於收視跌過一個特定數目，大台便需要向廣告商交代，加上植入廣告數量大倒退，廣告收入銳減，有見及此，高層唯有手起刀落，堅持處決。 
又係同一班人 
至於接力的新一套處境劇已經在埋班中，換湯不換藥，是以新劇會沿用大部分《愛。回家》演員，身為處境劇台柱，由真情，皆大歡喜，畢打自己人，天天天晴到《愛。回家》的劉丹會被保留外，馬家成員大部分亦有得留低，包括徐榮，林漪娸，黎諾懿及蔣家旻；過往由於查李施同史林廖賴兩間律師樓的劇情得到觀眾歡迎。所以嚴謹張達倫，霞姐楊卓娜同查家澤黃子雄亦有得入組；反而新加入的高海寧，即使劇組不斷加重其戲份，但無論收視和人氣都一池死水。打仗幫唔到手，就算有殼王撐腰一樣冇得留低，新處境劇，冇佢份。
(Post76 Android 手機版送出)

SonSon

查理斯未摺前好睇好多

gashapon

無追開不過由於食飯時剛好播佢於是咁多年來都睇o左唔少集. 感覺未"換人"之前個故事structure比較好, 依家換o左人之後就"搵戲黎做", 同將之前鋪排的plotline 都一次過"reboot"咁, 所以都無再睇了. (只loop新聞台)

小瑟

SonSon 發表於 2015-2-12 17:05
查理斯未摺前好睇好多

同意，當年查你c一班人好笑好多呢。
(Post76 Android 手機版送出)

小瑟

gashapon 發表於 2015-2-12 19:42
無追開不過由於食飯時剛好播佢於是咁多年來都睇o左唔少集. 感覺未"換人"之前個故事structure比較好, 依家換 ...

係囉，見個劇收得就質哂d自已友入去，攪到唔知點咁。
(Post76 Android 手機版送出)

SonSon

小瑟 發表於 2015-2-12 19:44
同意，當年查你c一班人好笑好多呢。
(Post76 Android 手機版送出) ...

起碼靚女都多D,養眼D
(Post76 Android 手機版送出)

zidanedc

NEVER WATCH, 煲碟居多

SonSon

zidanedc 發表於 2015-2-13 09:53
NEVER WATCH, 煲碟居多

半夜少煲碟, 未換人時臨瞓前睇重播唔錯架

laiho

死唔斷氣劇,片頭馬壯,德如一對,姑姐,家樂一對,去到尾全部散晒懶係估你唔到....

gashapon

小瑟 發表於 2015-2-12 19:44
係囉，見個劇收得就質哂d自已友入去，攪到唔知點咁。
(Post76 Android 手機版送出) ...

最近都有睇下. 我覺得自唔自己都無咩所謂, 不過自從"分拆"o左2間律師樓之後就好似呢度講d果度講d. 感覺似去睇波但每場的11個球員都唔同, 攪到都幾亂下(特別是我唔係日日追的人). 作為長壽劇我又唔會要求集集都連戲, 不過依家的故事就比舊時的散好多.

最記得有一集是講人事部要出report睇下點解d人唔拍卡. 最後結論原來OT加氯錢就得...但試問一個10年來明知人工加得少而又無加太多人工的老闆, 又點會人地講兩句就批...(如果佢咁明白事理, 呢d事就根本唔會發生)