PS3時候乃過野,其實當年為戰神3而買PS3。但提早喺Uncharted 2時候入機,結果兩隻除左畫面之外都唔算十分出色,前者直頭失望。然後MGS4又係當戲睇,FF13又唔係我杯茶,反而GT5同Resistance都玩左一段時間,之後雖然有The Last of Us,但已經係後期嘅事。問心如果唔係當藍光機睇真係好少機會會開。所以到家都冇入PS4就係咁解,SCE第一方大作數量好多,但真正好玩的其實係少數。
momolee 發表於 2014-9-25 16:11
但係我自己覺得THE LAST OF US 係繼GEARS OF WAR 之後 最好玩既次世代遊戲!
我爆左三次呀!{:8 ...
睇返VG個統計其實係暢銷的,兩個平台加埋過600萬套。
如果講上一代機,Gears of War同Batman Arkham係個人最喜歡的兩個系列。特別係前者,因為由開始到第三集故事算係完滿,印象更加深刻。至於The Last of Us本人玩完之後都比好高分,不過佢個系統其實唔太特別,就算關卡同劇情設計得好,因為故事導向成份太重,重玩意味住同一套戲睇兩次。但一齣戲可以睇幾多次真係睇個人,我自己就唔會連續玩。
至於哩隻如果要出續集,綠燈一定開,哩家係睇Naughty Dog想唔想做。而且個人覺得既然佢地有實力做到《The Last of Us》咁樣嘅遊戲,大可以開發一款新IP,此因經典唔會再三出現。The Last of Us其中一個亮點係其結局所帶出的思考性,如果出續集就有機會替前作的結局作一個註解。反而冇咗味道。