Gundam Theater Ver. 3.0 正式啟動

alleelarry

由裝修「機動戦士ガンダム」主題屋（按我重溫）開始，到入手 Pioneer SC-LX901、JBL Studio 590、LS Center 同埋 Control X，前前後後都花左成年時間有多，當中亦遇到不少問題，耳機房雖然基本佈置完成，還是未有時間把物件放得整整齊齊，幾經努力才把大廳的 Gundam Theater Ver. 3.0「全名：Gundam Theatre (3rd Generation Home Entertainment System)」佈置好，係所謂集思廣益下，即上網爬文及請教專業人士，終於完成系統調音工作，並在 2018年既 5月 1日正式開業！由無到有，的確感慨良多，左此跟大家分享一下！



系統：GTV3-7.1.4
電視：Sony KD-65S9000B
合併：Pioneer SC-LX901
播放：Oppo BDP-103
前置：JBL Studio 590
中置：JBL LS-Center
天花：Control-X
低音：JBL E150P
環繞：Mirage Omni 150

第一章：佈置

∇ 要聲音對辦的話，首要是「分中」，先問朋友借來「淘寶」激光機，不算精確但至少找到中間位置所在，攪定天花喇叭位置後，自己也買了一個回來，方便日後調音時使用。




∇ 參考朋友意見，天花喇叭大概定左係「皇帝位」左/右各 2.5呎，前後各 2呎，高音單元向內（據說對皇帝位帶來更強的感覺，亦留意到不少掛牆的喇叭，當高於人正常高度之時，高音單元以能向收聽者居多）




∇ 參考了「威廉大師」昔日在試音室起用一對 JBL E250P 時的佈置，中置由正向前方改為現時的 90度，在沒有改變任何設定情況下，本來感覺唔到既低頻竟然跑哂出黎，找到低音相位的確是入門的不二法則。



∇ 參考了朋友意見，經 Amazon 購入了一整卷 Belden B5000UP-0，接頭就是在日本旅行時購入的 Furutech FP-201(R) / FB-200B(R)，再由太太親自操刀作成：剪切、收緊及封膠。




∇ 過程中有個小插曲同大家分享下，合併機那方用的是叉，喇叭那方用蕉，但不知何解兩公婆一齊計錯數，買多了一對叉，自然就少了一對蕉；不太安心「裸」插下，係同朋友傾訴之時，竟然佢話有多一對叉係屋企，二話不說「直送」比我地，你話朋友點少得，總會係有需要既時候自動現身，感激！感激！



第二章：調音



∇ 基本步一定係用呢個原裝咪，腳架又唔一定要好專業，只要能搵到自己個「皇帝」頭位置就可以了，有需要亦可加個水平儀幫下手。唔講你唔知，呢只腳當年可以撐得起一部 Nikon F-301 (單境反光機) 有餘，這是中學同學送的生日禮物，足足有成三十年歷史 (>^<)！Full Auto MCACC 最為合用，「戲院」雖然好四正下，但始終有牆亦有走廊位，由 MCACC Pro 大師去主理比較穩妥！



∇ SUB 仔因為搵到相位，JBL Studio 59 本身擁有一對 8吋 PolyPlas™（高分子塗層纖維素）中低音單元，JBL LS-Center 更加有一對 6.5吋鋁合金單體低音單元，前及中置因而設定為「Large」，其餘的一律設定為「Small」，Crossover 由 100Hz 稍稍調至 80Hz，至於 Double Bass 按規格可以用得上，但畢竟居屋不宜有過大既低頻，所以設為 OFF。



∇ 最後把合併機音量調至「0」度，使用 Dolby Atmos Demonstration Disc (September 2016) 中的 Test Tones 7.1.4；使用的分貝量度 iPhone app 名為：Decibel X (按我)，沿用腳架固定電話，每個 Channel 再手動調整至 75dB 為準。



第三章：設定

∇ 個人來說 ARC (Audio Return Channel) 本來是很實用，但始終不是所有 Device 對應良好，反而對家人來講有點壓力；電視雖有內置 Netflix 但未能輸出 ATMOS，因而入手 Xbox One S ，已經廢武功既 LeTV、AppleTV 及 Mac Mini 非家人所用，要用到「回傳聲音」就只有 Now One；既要方便家人，又要方便自己，把 Pioneer SC-LX901 的 HDMI CEC 關掉，如是者 HDMI Standby Pass Thru 就可任意設定給指定單一 HDMI，只要電視長期 KEEP 住用連上合併機的 HDMI 位置，家人一開電視同 Now One 就可以立刻欣賞節目，當自己雖要 5.1 的時候，開合併機就可以了（但我會先把電視關掉，開合併機才開電視，以減少合併機因要「奪回」聲音那一刻的「跳動」，心理上如此做合併機可以活得更長久）。最重要的是因 Now One 直入合併機，比起以往由 Optical 輸入，聲效更直接有力！睇仲未推出藍光的《深淵》，畫面的確未夠好，但聲音方面係滿有驚喜！



∇ 使用遙控器開啟合併機時，一般都會按 Power 鍵，正正因為用上了 HDMI Standby Pass Thru，合併機會進入所選定的 HDMI，以我為例就是「STRM BOX」。其實係可以直接按當時打算用的「專屬」按鈕，合併機啟動後就會自行進入所需的 HDMI，例如：Oppo BDP-103 是接去「BD/DVD」HDMI 位置，在遙控器直按「BD/DVD」就可以，合併機啟動完成並進入「BD/DVD」(省卻了先按 Power 鍵)。



∇ 講開又講，一直唔明呢個精簡遙控器，點解會少左一個「STRM BOX」快捷鍵，跟 Pioneer SC-LX901 背面標示就成了不相稱！？自己實際情況下七個 HDMI 也用得盡，還有四個要用啊！把「STRM BOX」接上 NowTV， Power 鍵因為設定了 HDMI Standby Pass Thru 關係，就能充當「STRM BOX」(第四個) 快捷鍵。有人話呢個世代，用咩鬼遙控器，用手機 app 咩都控制到啦！一來我年紀大，對實體遙控器好有感情，二來係「戲院」入面有個規則係咁寫，請儘量避免使用發光裝置，以免影響其他觀眾欣賞電影 (>_<)。



最終章：實戰

スタート!! レッツゴー!! 【Start!! Let's Go!!】

攪左咁耐終於有一個滿意既調音方向，正正式式睇下電影至得，揀D未睇過既睇先，早場有亂槍四射《賊鬥》，夜場有大型音樂片《大娛樂家》，但兩套電影既藍光版本，基本上只有 DTS-HDMA 5.1 / 7.1，透過 Pioneer SC-LX901 DTS Neural: X 播放，睇下合併 AMP 做到幾多野！？

∇ 《賊鬥》，片中有多個槍戰場面，但處理得宜的大概只有片初劫走「吉」解款車一幕，空間感足夠，槍砲定位分明，爆破位到肉，他日推出4K版加入 ATMOS/DTS:X 就一定要再睇多次。



∇ 《大娛樂家》，睇呢套都係因為近日活動用佢黎做試範，好奇又試下，整體表現都不錯，但始終只有 DTS-HDMA 7.1，包圍感還是不夠「全景聲」的好，叫做收住貨先啦！

fm31331

Larry哥， 見到你同你老婆一齊合作完成私人showroom， 正到不得了。

MDLP

強烈建議開長皮
飛掉Studio5原裝jumper
直接由下而上穿喇叭線

pac

實在太幸福了

alleelarry

fm31331 發表於 2018-5-17 00:13
Larry哥， 見到你同你老婆一齊合作完成私人showroom， 正到不得了。 ...

可能我懶啦！攪左咁鬼耐先至有野睇！

alleelarry

MDLP 發表於 2018-5-17 00:23
強烈建議開長皮
飛掉Studio5原裝jumper
直接由下而上穿喇叭線

呢個又可以試下，反正成卷 Belden 仲未用哂，多謝指導

joelcan

恭喜晒larry兄！

Ep-71

正到不得了。

sharkpigyu

正到無朋友 好有心機 好登師兄開心

ed2014

alleelarry 發表於 2018-5-17 08:27
呢個又可以試下，反正成卷 Belden 仲未用哂，多謝指導

師兄仲有冇剩可以賣 3 條8尺比我呢？我諗過買成卷但又懶得攪。