【返歸玩】LG M4 電視 無線連接自由「睇」驗👀

erinerin

- Post76會員返歸玩 -
LG OLED evo AI M4 4K 智能電視
4K Dolby Atmos 無線連接自由「睇」驗👀

唔經唔覺原來我哋 Post76 首創嘅【返歸玩】影音產品系列已經玩咗 15 年，就連三年疫情期間都冇間斷過!! 最誇張仲試過拉大隊，聯乘咗六、七個平台或 YouTuber(s) ，等佢哋嘅粉絲們同樣試得到!! 而 【76-返歸玩】系列最特別嘅係，可以俾各位會員帶返屋企實試!! 喺自己主場配搭自己嘅架撐，用睇開嘅電影或歌曲，體驗產品應用喺自己嘅系統會係點樣效果。更加可以同屋企人一齊感受不同嘅線材、器材嘅分別。無論價錢係平定貴，總之乜都有機會試到。令大家知道究竟呢件影音產品係咪真係適合自己。呢個系列除咗令唔少師兄中毒更深，連海關試過都返唔到轉頭，更成為唔少師兄通關嘅鎖匙，從此 Post76 就多咗好多跌落萬呎火坑嘅會員啦～



嚟到 2024 年嘅【返歸玩】，我哋就要玩盡佢！相信今次嘅返歸玩計劃，屋企老中青三代都唔反對，反而可能仲會好支持!!!!!!
佢就係 LG OLED evo AI M4 4K 電視啦～ 我哋預備咗三個尺寸俾大家【返歸試玩】：65"、77"、83" !! 只要確認到入到大廈大門、上到你嗰層、過到你屋企最尊敬嘅海關大人安檢，就可以借返去「睇」驗!!

今次返歸玩玩到咁大，可以話係史上最豪一次！我哋多年嘅老朋友 LG 合作咗咁多年，但原來未合作過返歸玩。今次嘅促成，就有賴呢部 OLED M4 無線連接電視！！！ 話曬都係世界第一部 ZERO CONNECT 無線連接傳輸 4K/ 144Hz 嘅 OLED 電視，我哋都好奇係咪真係咁犀利！始終我哋 Studio 有好多唔同無線產品，唔知長期使用會唔會影響到呢部電視嘅無線傳輸訊號。點知！！！！  LG 大手一揮，直接攞咗部俾我哋 76-Studio 慢慢試。仲可以借埋俾會員一齊試！試完話佢知當中有乜睇唔到嘅「睇」驗!?  

呢部 M4 電視最小尺寸為 65"，如果大家屋企有足夠空間，你哋可以返歸試玩更大嘅尺寸： 77" 或 83" !!! 有大食大!!! 最緊要 76 會員啱玩!!! 試完覺得意猶未盡想真正入手，我哋更可以特別提供超、超、"超筍價"俾兩位試玩會員 ~ WooooooWWW~ 真係機會難逢!!😍

LG 面板技術多年來都取得領先地位，亦是業界多產代工，OLED 更加係影音發燒友追捧嘅品牌，擁有 11 年 (2013 - 2023) OLED 銷售量第一嘅品牌。


2024 年剛推出嘅旗艦級電視型號 M4，採用最新 META 2.0 技術，應用了「MLA+、META Multi Booster、Detail Enhancer」三大技術，在新面板上提升亮度、演算法同光線控制，令亮度提升咗 150%，將 OLED 光度樽頸峰值，進一步推至 3,000nits；


而 α11 AI 處理器專為 OLED 設計，透過深度學習、圖像，提供 AI Picture Pro、AI Customization、AI Director Processing、Object Enhancing by Visual Perception、AI Sound Pro，並且提升處理器速度，帶來前所未有嘅效能，重新定義觀賞「睇」驗；


而 M4 電視最強嘅就是擁有最尖端技術集成嘅 Zero Connect Box，擁有 3 個 HDMI 2.1，讓 4K/120Hz、4K/144Hz、ALLM、VRR、Dolby Vision、Dolby  Atmos 等聲畫效果，以無線技術連接至電視屏幕。


今次返歸試玩係一次非常難得嘅機會，可試到 LG 最頂尖旗艦 OLED 電視技術同無線連接嘅 M4 電視，絕對係超豪華且重量級嘅試玩體驗。各位只要報名，同時又被選中，咁就可以淡淡定，安座家中體驗到現今最強聲畫嘅影音器材。而且仲有專人上門安裝，更加有小瑟帶領 Post76 團隊上嚟你屋企幫手 Set Up，搞靚個狀態，俾你哋好好玩足兩星期～～ 係唔係又方便、又正到爆先!? 咁唔洗考慮～ 即刻報名參加啦!!!!



試玩安排
試玩限期: 參加者可返歸試玩兩星期
               暫定試玩期 : 2024 年 09 月 21 日(星期六) - 2024 年 10 月 05 日(星期六)
試玩名額: 2 位
取還方法:   - OLED evo AI M4 4K 智能電視的送機、裝拆與還機 (或代玩家拆裝已掛牆的電視)
                     將由 LG 負責，Post76.hk(ArthurStudio)則作聯絡及相關安排
                  - 會員報名時，必須提供真實姓名、聯絡電話、電郵 及 預期試玩家居嘅相片
                  - 最終被確認兩位名額的會員，必須提供試玩套裝嘅家居地址 及 登記試玩者 的身份証
                  - Post76編輯部需要3-5名工作人員到會員家作拍攝紀錄影片以供Youtube Channel節目之用
報名要求:  - 報名會員除須要提供上述 "紅字" 的資料外，亦須以回覆本帖形式，並需發佈
                     最少一張試玩 LG OLED evo AI M4 4K 無線智能電視的位置/影音房間相片                  
                 -  報名會員須於報名後，以帖文形式回答以下四條問題 ...
                     1. 是否曾使用過 LG 電視/Soundbar?                        [有，型號 __ / 沒有]
                     2. 是否打算短期內升級/轉玩 LG 電視/Soundbar?     [是，打算 ___ 月內 / 暫未有打算]
                     3. 如被確認試玩，希望揀選哪種尺寸的 M4 電視?     [65"/  77" / 83"]
                     4. 參加是次 LG 旗艦電視試玩原因?  想試到什麼?      [請分享最少一個原因]
相關安排:  - 報名截止後，如報名人數多於試玩名額時，將按 LG 最終決定作安排
                  - 被選中試玩會員及安排程序，只以會員通訊 (PM) 及 WhatsApp 通知
                  - 送貨、收貨、安裝與拆卸將由 LG 負責，ArthurStudio 提供聯絡與支援
                  - Post76 將與兩位試玩會員聯絡，確認家訪日期與時間，並安排上門拍攝調校及試玩過程
                  - 借用後會員須於【家庭影院】討論區內發帖分享使用感受，並需附上不少兩張相片，
                     包括: LG OLED M4 4K AI 無線智能電視 及 客廳/房間/影音房間的試玩照片

SonSon

正嘢.........

wil-wil

SonSon 發表於 2024-8-16 13:30
正嘢.........

正就快行動 :P

小瑟

今年想換LG既朋友就要留意一下自己屋企擺唔擺到呢部無線電視機嘞!!!

tommy1976

報名要求:  - 報名會員除須要提供上述 "紅字" 的資料外，亦須以回覆本帖形式，並需發佈
                  最少一張試玩 LG OLED evo AI M4 4K 無線智能電視的位置/影音房間相片       (後補)           
                 - 報名會員須於報名後，以帖文形式回答以下四條問題 ...
                     1. 是否曾使用過 LG 電視/Soundbar?                        [沒有]
                     2. 是否打算短期內升級/轉玩 LG 電視/Soundbar?     [考慮換機中]
                     3. 如被確認試玩，希望揀選哪種尺寸的 M4 電視?     [65"]
                     4. 參加是次 LG 旗艦電視試玩原因?  想試到什麼?      [想試新機oled]

小瑟

大家想唔想小瑟申請埋可以借G4比大家返去試呢?? 定話想試埋 C4?? 不妨都可以提議一下喎!!!

mahjong@

最近有考慮換走屋企部老爺機，換翻部55寸黎玩下，不過屋企掛唔倒牆 無緣M4😓😓😓😓

小瑟

mahjong@ 發表於 2024-9-4 10:49
最近有考慮換走屋企部老爺機，換翻部55寸黎玩下，不過屋企掛唔倒牆 無緣M4😓😓😓😓 ...

55“有G4, 岩唔岩？

daniel22

  1. 是否曾使用過 LG 電視/Soundbar?                        [ 沒有]
  2. 是否打算短期內升級/轉玩 LG 電視/Soundbar?     [是，打算 6 個月內 ]
  3. 如被確認試玩，希望揀選哪種尺寸的 M4 電視?     [65"]
  4. 參加是次 LG 旗艦電視試玩原因?  想試到什麼?      [家中電視位置背光，很多電視發揮未如理想，空閒時間會用PS5打機及睇Netflix YouTube]

Let-Go

1. 是否曾使用過 LG 電視/Soundbar?                        [有，好多年前的型號 42LG50 ].

2. 是否打算短期內升級/轉玩 LG 電視?     [是，打算 _6__ 月內]

3. 如被確認試玩，希望揀選哪種尺寸的 M4 電視?     [83"]

4. 參加是次 LG 旗艦電視試玩原因?  想試到什麼?      [請分享最少一個原因]
搬咗屋，而家片牆成100寸闊，個5,6年的48寸Sharp顯得太細，剛想换個電視機。想試吓啲色彩，黑白對比之類。個M4竟然可以無線連接（無諗過有呢啲功能），當然要試埋有無延遲，是否聲畫同步啦（外接AMP）