武替道

lamwaikit007

今晚睇呢套，港產片，武替道。

故事說什麼，不詳細說了。但有一節，杜燕歌和董瑋說現今的年青人做錯野，係唔可以大鬧架，只能說教。感受什深，年青同事做錯野，我鬧佢，結果佢面燶唔開心，攪到另一同事走過嚟鬧我話我好鬧佢，叫我快些同佢道歉，公司已經好難請到人，否則佢辭職唔做，是否我負責！！！所以見到這節，我真係笑出聲。😂😂😂😂

整體故事流暢，亦帶出新一代做事並非是 "Hea"做，而是一切以自身安全為先。做得完成，即使不是完美，已經ok的了。這一點，我亦認同。

要提提大家，出字幕出到一半時，會做埋片尾。我見我身旁的兩夫妻，一出字幕便走了，結果冇睇埋片尾。

散場時，聽到前面的情侶的女友問男友，飾演李森的男演員是誰？男友說他以前有拍過戲的，...。唉！正常嘅，董瑋先生曾經拍過電視劇，但已是30-40年前的事了，唔識也唔出奇。

講到尾，入場支持下港產片啦。

小瑟

其實依家既後生係咁既心態, 佢地自己都幾慘架, 原因真係可能因為已經感覺未來冇咩希望, 努力都冇咩用先會有咁既心態, 心態影響行動......所以佢地都係後香港可悲的一輩呢!!!

我仲未睇呢套戲, 不過都好希望呢套港片可以收得呢~

lamwaikit007

小瑟 發表於 2024-10-10 08:20
其實依家既後生係咁既心態, 佢地自己都幾慘架, 原因真係可能因為已經感覺未來冇咩希望, 努力都冇咩用先會有 ...

得閒就捧下場啦！

pac

支持港產片。
我今日一家四口去捧場
再講外語片都睇到無乜興趣，來來去去都
係特技，如果睇文藝片又始終港產片會投入啲

tinlunlau

我尋晚喺多倫多搭個地鐵走去downtown睇一場。幾好睇嘅，令到我諗返起十幾年前拍戲嗰段日子睇住啲特技人搏命做stunt。記得當年拍Total Recall ，我坐喺角落旁邊睇住有人有頂樓跳上船頂，唔小心扇親然後跌落地。我心諗肯定NG。然後我醒起我當時戴緊眼鏡即除。（當時導演唔畀我哋開拍時戴眼鏡）

qoakzm

帶出咗舊世代嘅人, 亂X河馬, 做野死黎, 無EQ無文化, 但出到黎夠硬淨; 而新一代講求合理性, 唔會為咗少少錢同你on居去賣命, 但經唔起風浪;

而最近香港電影用多新人係一件好事, 總好過早前啲投資人, 搵黎搵去都係啲老星扮後生, 塊面膠到硬曬仲只識食老本, 唔俾機會香港新人, 攪死香港電影咪就係解囉, 期待香港新人有更多發展機會

陳永仁

tinlunlau 發表於 2024-10-17 11:50
我尋晚喺多倫多搭個地鐵走去downtown睇一場。幾好睇嘅，令到我諗返起十幾年前拍戲嗰段日子睇住啲特技人搏命 ...

Colin Farrell 嗰套？

陳永仁

qoakzm 發表於 2024-10-17 13:15
帶出咗舊世代嘅人, 亂X河馬, 做野死黎, 無EQ無文化, 但出到黎夠硬淨; 而新一代講求合理性, 唔會為咗少少錢 ...

以前林峯、黃宗澤、吳卓羲、陳鍵鋒、馬國明最後生當打嗰陣，俾大台綁死，冇乜機會拍電影。否則，佢地家陣都係電影明星。

tinlunlau

陳永仁 發表於 2024-10-17 15:11
Colin Farrell 嗰套？

係吖