買Display野 的少少回憶.
我不記得第一次買display hifi 是什麼時候了, 好似是某家電器店結業時, 窗內放出了一台舊日立收音機, 5粒原子粒座枱, 印象是待了在那裡至少4年的東西 (即是應再早少少已存在)
因為細細的要座枱又要插電, 比起Sanyo M1700 麻煩, 送了給人. 以前初時玩hifi 就是一手的, 後來2手中伏之後轉了display了.
Display野都咩好有咩唔好? 簡單講:
好:
1. 開左聲 / 煲好左.
2. condition 一目了然.
3. 大多是正價的7折, 或者更多折.
唔好:
1, 電子零年老化, 如CDP的唱頭
2. 保養有限 (有D代理只給半年, 有D就照舊1年) , 或者無(轉代理)
3. 有花痕, 美觀問題.
4. 心態問題 (同 2手唔同)
display的東西由不同手的人摸過, 碰過, 除左手汗味, 塵, 仲有時留印, 污跡 (如果去完廁所唔洗手)
有時是店中的dead stock / overstock / 廠方的停產 / 轉代理的東西. 係真的可以好平. 7, 5, 3折都有. 真是睇到你心花怒開. 又喇叭開左聲, amp又在最好的時間.
真是一買回去, 食衰聲的時間甚少.
買之前要問好, 知發生咩事. 有時一轉代理, 新代理唔理舊的, 連廠話咩都唔多理, 就是"因為我們都要買零件, 不過就收你平DD了" . 停產野有個風險是沒零件.
有D代理黑心少少, 話明只保半年. 呢樣買前必問清楚少少.
有D機長時間在display, 講的是一日12小時 (不過家下商店都只開8-9小時了) 長著, 有些機真是有使用期限, 好比CDP的laser
一過就時辰到了. 當中以是平價機最多. 也就是甘樣, 有些店不會有display 平價機再平賣, 又或者俾你試平價機.
因為平價機用得多時, 佢地又壞多一台送修, 又要再開多一台.
display 機/ 喇叭有個毛病 : 花痕. 搬來搬去實有少少, 平民用家大可不必理會.
又者由呢D花, 可以知台機用得厲害與否.
sales 向來就是隨手插, 用得多, RCA的洞會變大, 金ground位會花, 有些按鈕好開關會鬆等的小問題.
由呢D地方你可以知台機用得多唔多. 花的多時, 就要留意一下了.
喇叭就更要小心一D
大家平時都見喇叭是沒有面網, 目的就是俾你望下果樣. 不過有D人真是手多多, 篤左個單元 (sales話最多是高音單元, 唔知點解)
sales通常用膠紙, 吸塵機, 小心地"還原" 凹左的地方. 平時太遠未必望到, 行近D你會覺有痕.
一均不是太高音不會有問題, 但一去到好高音時會聽到拆.
有問題我喇叭唔一定會賣得平. 呢樣留意下了. 
我講過心態. 心態上玩display貨的人同 2 手 / 1手的 好唔同.
1手: 是我的就是我的
2手: 我知是好的就是我的. 人棄我取
display: 不管什麼, 平就是硬道理.
平, 但又唔一定新, 又唔一定保. 基本地買左要當玩一陣就放(不過overstock / dead stock 的全新品例外)
買的時候總是聽到有人話自已當昤買幾貴, 家下幾平; 又有一D白鴿眼話自已早就唔到, 點點點...
唔使理, 買的時候, 我來到, 看到, 付錢, 就是我買了.
總之display野係平, 係你唔使理面子去付錢的東西.
只是入手時小心D就是了.  |
[複製鏈接]
樓主
