攪攪新意思： Helix 電源線 + Helix RCA 線

Alman

劏蛇記 （二）： Helix Neotech UPOCC silver + 電池電源綫

考慮過後， 發覺原本UPOCC silver 線身有手感， 網緊緊地包住cotton damp 着電線， 一於保留用作接電池。

原來的水線不用， 尾插一邊水線cut走， 另一端接銅網再焊接一條16 awg Neotech UPOCC 電線接電池。 火線兩條13 awg （共10 awg）， 地線是四條14 awg UPOCC 單枝銅（共 8 awg）。 頭尾插是 Neotech 鍍銠。 今次電線雖然非常粗， 但入線位十分鬆動， 毫無困難。 正。 這條全Neotech helix的聲效怎樣？ 完工時又係接近零晨， 唯有接cd player 煲其通宵。。。。。

Alman

近日工作繁忙，無時間試真新線， 只係插係cd煲。 偷雞匆忙試聽： 音場upfront， 弱音尾音放大， 更有韻味。

小弟打算把silver helix 逐一同其餘helix比較（唔同位置）。 現時它已取代紫銅helix （同是接電池）插係cd。 一來找出最佳位置， 二來可以睇真其實力 （helix線火線共用了五種不同線材）。 請各位耐心等候小弟報告

Alman

Helix 老tech UPOCC 銀電線自持身價高， 四圍踢竇， 第一次出擊係挑戰插CD  player嘅 平價紫銅helix。。。。究竟鹿死誰手？

先來個見面禮：


先講講Helix 銀， 一直都是接電池， 比試前試下轉接BGT， 發覺聲音會收身少少， 但並不明顯。 Helix紫銅接電池及BGT的分別係接電池會較為有力。 今次大家都係接電池AB。

（一） 聖桑骷顱之舞： 兩者分析力無甚分別（同樣聽到咁多細節，即係平價紫銅勝？ ）， 但係在整體音場播放上， 銀helix前後線條會清晰少少及對比大DD。 低音兩者均去得好盡， 右邊的低音大提琴群奏出到暗勁， 對Focus 喇叭仔都唔簡單 。

（二） Feelings ： 試人聲必選的歌。 銀helix優勝之處係人聲有肉之餘， 背景音樂源源不絕咁輸出，聽極都有， 整個空間豐滿非常。 而紫銅的人聲都動聽， 背景音樂就缺乏那份豐滿。

（三） High Performance Carmen:  Helix 紫銅尾音較掘， 有些落雨收柴感覺。 但高低音拍得住銀helix兼勁度十足。

（四） 炎黃第一鼓之 沖天炮／舟山鑼鼓： 大鑼大鼓似乎係紫銅之強項，而銀helix多咗d溫柔及豐滿感， 會較討好。

今次比銀helix先得戚一次，打响頭炮。 又係個句， UPOCC silver + UPOCC copper + 鍍銠頭， 咁貴身價， 唔贏都冇面見人啦

好了， 下一場會挑戰插緊amp嘅Duelund helix， 睇下老tech UPOCC silver仲有冇得牙斬斬.....

Alman

踢竇（二）： Duelund Helix

大家先扮下老友先：




Neotech 銀helix 今日挑戰插 Amp 的Duelund helix ， 是否棋逢敵手？。  每播兩三首音樂就換線比較， 試了骷顱之舞， Carmen， 貝多芬第九現場， 蕭斯達高維契 第十 第二樂章， Feelings， Belfonte 現場， Eagles Desperado 現場， 炎黃第一鼓之沖天炮及 舟山鑼鼓。

整體結果是Neotech 銀helix 勝在低頻較solid 及有多少少份量， 其餘的同Duelund 勢均力敵。 聽唔同音樂其實可以聽出兩者的些少異同： Neotech 銀係骷顱之舞表現較 Duelund 少d豐滿及音場傾後DD； 播Carmen 時兩者音場一樣咁闊， 三角鈴一樣咁飄逸！Belfonte 的 Sylvia， 兩線通透異常， 但 Duelund 的低音結他會沉低些少； Neotech 銀播沖天炮／舟山鑼鼓 的鼓聲較 Duelund 的厚實， 但Duelund 在丁丁查查方面則較pin point。  Neotech 銀播Desperado 的人聲會肉緊D， 鋼琴會鏗鏘D； 蕭斯達高維契 第十 第二樂章由於演奏好豐富， 小弟聽不出兩者
分別。 用貝多芬第九現場試音的目的是考驗兩者的分析力， 能否同樣播出背後的觀眾雜聲： 兩者鬥得你死我活， passed!  不過， Neotech 的低頻會較為有力。

今次結果在預期以內， 但不能不提的是 Neotech 銀用了 UPOCC 銅做helix ， 而Duelund 則用了 普通 Romex 入牆單枝銅。 如此推之， helix 中線的質素似乎可以隨意一些。 這點是 helix 版主的意見。

Neotech 銀跟住會踢插GG前級同是Neotech helix 的竇。。。。

Alman

calebwong 發表於 2018-8-9 18:53
請問火線外層加屏蔽網有用嗎？見師兄初期啲時有加，後期的沒有了。（外國板主則使用黑色尼龍網） ...

今次加屏蔽網只是因利乘便： 原來的三條線有網套住， 唔想拆除， 直頭用佢接電池（電池線的玩法）。 而版主的概念是helix。小弟只係把兩者結合。 小弟覺得單整helix的效果已極佳，電唔電池可能分別不大，日後得閒先至測試有網接電／BGT／地線的分別。   

Alman

踢竇（三）之踢著火水。。。。

今日放工， 趁有多少時間， 快快把Neotech UPOCC 銀同同門UPOCC copper AB下（用係GG前級）。 之前把銀換上GG 前級所聽到的音效是空間感更大， 音樂的神髓展現， 昨晚聽蔡琴機遇， 人聲鋼琴真係好真， 心諗 UPOCC 銅 好似唔夠佢fight。。。 但剛才正式比較， 播了骷顱之舞及炎黃第一鼓的沖天炮。 哈哈， UPOCC 銅不因只係helix Romex 單枝銅而輸蝕 （銀線helix UPOCC 銅）， 它的聲音較銀清爽兼更有狠勁， 佢嘅音場會後少少， 而銀的泛音會豐富D。 UPOCC 銅好嘢， 上次拆線仲有幾支剩， 可以再helix也

稍後試多幾首音樂再作分享。

Alman

Neotech UPOCC copper helix 二世

琴日的銀銅AB， 對Neotech 銅helix 刮目相看。 想知道佢同 銀helix 拍住上會變成點， 於是把它取代cd player 的紫銅helix， 播了幾首歌曲， 不得了， 當中的音樂內涵（尤其空氣感）被進一步榨取。 蕭斯達高維契的第十的樂器群組變得更活更有層次。 那能再等？ 今早拿拿林整多一條： 採用三條 UPOCC 14 awg 單枝銅 （比先前多出一條）。 helix 照用 Romex。 今次用 Oyaide
037 頭尾招呼佢哋。。。。

Alman

leojai 發表於 2018-8-13 10:21
我都整左條，煲緊。
最難系搵打圈的電線，又要粗，又要軟，好難搵。

我都整左條，煲緊 －－－》務必分享一下呀！

Alman

KKU 發表於 2018-8-13 17:36
Alman兄，看圖中的正極好像比負極粗，效果會否不一樣呢？

火線 14 awg X 3 = 9 awg ， 同 中線的 awg 一樣。  整時已考慮此情況。 估計效果會不受大影響。 稍後測試便知。

Alman

KKU 發表於 2018-8-14 19:41
之前用紫銅線時已換走wireworld  electra 7 power，現在用 Helix線，將留守最後的wireworld silver electra ...

嘩， KKU 兄一箭三鵰， 勁！難得齊齊helix驗證  效果如何好法？ 請加以說明之