彭羚封咪十載 明年出山
彭羚封咪十載 明年出山2011年12月27日
(17人)瀏覽人次：47,933FacebookTwitter轉寄朋友
那些年，有「商台家嫂」之稱的彭羚（ Cass）憑唱功撼低不少同期女歌手成為天后，但隨着跟林海峰結婚被「私有化」， Cass一直相夫教女未有復出打算。一別十年， Cass明年將重披歌衫再踏舞台，為的是報答好友黃偉文（ Wyman）的恩情。
封咪彭羚 2月紅館拍 Wyman
要數 90年代的小天后，現年 42歲的彭羚憑唱功霸佔一席位，而當年黃偉文為她填詞的冧爆金曲《小玩意》，更成為不少拍拖男女和婚宴的浪漫主題曲，將 Cass的歌唱事業推向高峯，但她在 98年毅然宣佈嫁給商台 DJ林海峰， 02年正式絕迹樂壇及舞台，並為林海峰誕下兩名女兒林泳和林清。
為好友 Wyman開金口
不過， Cass原本平淡的師奶生活將起變化，因她的好友 Wyman明年 2月 9日至 12日假紅館舉行四場「 Concert YY黃偉文作品展」演唱會，為報答這位有份助她闖事業高峯的好友， Cass將再踏舞台，擔任其中兩場的嘉賓。
Cass 02年在紅館演出兩場「 Cass And The City」演唱會後，即封咪 10年做其幸福少奶奶，今次為好友破例出山，是婚後首次踏上紅館開金口，據知屆時她會再唱當年紅爆的《小玩意》等金曲，而 Wyman為答謝好友幫忙，已悉心為她設計了勁靚形象，勢要令這位老友出場時震撼紅館。
其實自 Cass嫁給林海峰後，一直當全職主婦，專心相夫教女，接送兩名女兒返學放學，同時又教導女兒溫書做功課，即使買餸煮飯也不假手女傭，所以她淡出後謝絕娛樂圈所有應酬和工作。
原來在這 10年間，不少香港、內地及世界各地的演唱會主辦商，都曾以高價利誘 Cass復出，但她通通拒絕。事實上， Cass今次復出純因 Wyman，而她老公林海峰多年來，在電台、廣告、棟篤笑等工作不斷，搵錢絕對不少，故不存在因經濟有問題而復出。
Cass自出道以來，一直得到 Wyman支持及欣賞，而她亦很欣賞 Wyman的才情，二人惺惺相惜成為好友， Cass兩個女兒的名字便是由 Wyman取名。據知當年 Cass曾對 Wyman訴心聲，她只為愛唱歌而做歌手，不是為爭最受歡迎女歌手獎，她最大目標是嫁個好老公，做其好太太及好媽媽，當年 Wyman寫了《小玩意》來祝福她，結果祝福靈驗，不久 Cass宣佈嫁林海峰，一家四口至今樂也融融。
「有啲唔想講但會嚟」
Wyman日前被問到 Cass為他而復出，他先感愕然，然後說：「我呢個演唱會邀請咗 30個單位嘉賓，有啲會講，有啲唔想講，但會嚟，有啲冇可能出現，但真係出現咗。」至於 Cass是否屬於冇可能會出現但真係出現咗？ Wyman只以微笑來回答。
現年 42歲的彭羚， 90年加入樂壇，因與商台 DJ林海峰拍拖，出道不久便有「商台家嫂」之稱。 91年憑歌曲《愛過痛過亦願等》竄紅， 94年的《來讓我跟你走》更大受歡迎，令她步進事業高峯， 95年的《小玩意》、《完全因你》等成為電台及卡拉 OK熱門歌曲，同年獲得商台叱咤樂壇女歌手金獎（圖）、歌曲大獎及無綫最受歡迎女歌手、新城勁爆女歌手金獎等，是 Cass的豐收年。 96年她在紅館舉行首次個唱， 98年與林海峰結婚後， 00及 04年分別誕下女兒林泳及林清， 02年在紅館開騷後退隱樂壇。 希望買中果場啦!!!!!!{:6_122:} 彭羚真係好正!
如果出山再出碟就好了~{:6_181:} 彭羚咁靚聲, 值得出嚟唱啦! {:6_193:}{:6_193:} 彭羚咁靚聲, 值得出嚟唱啦!
teddyng637 發表於 2011-12-27 15:14 http://www.post76.com/discuss/images/common/back.gif
agree ! {:6_193:} 回復 5# axgroup
{:6_182:} {:6_182:} {:6_182:} 佢真係令人期待呀！我周不時都拎佢D碟出嚟聽嘅！{:6_177:} 最好就再喺紅館開個人show, 咁就有機會出BD喇.{:6_128:} 佢真係令人期待呀！我周不時都拎佢D碟出嚟聽嘅！
jt24 發表於 2011-12-28 10:08 http://www.post76.com/discuss/images/common/back.gif
我而家好驚買唔中佢果場。{:6_136:} 我而家好驚買唔中佢果場。
kalok6 發表於 2011-12-28 10:16 http://www.post76.com/discuss/images/common/back.gif
好似抽獎咁........{:6_175:}