尋找金色的故事....完結
本帖最後由 大佬John 於 2011-12-17 23:13 編輯曾經有個鄉下佬, 工作完回家時, 突然感到口渴, 發現附近有座湖泊。當鄉下佬彎下腰要飲水時, 身上的膠匙羹竟不小心掉入湖裡, 因為鄉下佬家裡很窮, 那是家中唯一一把膠匙羹, 讓鄉下佬跪在地上痛哭失聲。
正當鄉下佬在哭的時候, 有位湖仙從湖底緩緩的浮現出來, 問鄉下佬:「你為什麼要哭?」鄉下佬答說:「因為我的匙羹掉進湖裡了。」湖仙聽到便說:「我幫你找你的匙羹。」
湖仙沉入湖底, 浮出時手上拿了一把純金製的匙羹, 問:「這是你的Vallejo 793 Rich Gold匙羹嗎?」鄉下佬答:「不是, 這不是我的匙羹。」
湖仙再度沉入湖底, 浮出時手上換了把匙羹, 問:「那這把是你的Mr.Color 9號金匙羹嗎?」鄉下佬搖搖頭說:「不是, 這也不是我的匙羹。」
湖仙再度沉入湖底, 浮出時手上換了把匙羹, 問:「那這把是你的Finisher's 赤金匙羹嗎?」鄉下佬搖搖頭說:「不是, 這也不是我的匙羹。」
湖仙再度沉入湖底, 浮出時手上換了把匙羹, 問:「那這把是你的SM02號金匙羹嗎?」鄉下佬搖搖頭說:「不是, 這也不是我的匙羹。」
湖仙又再一次的沉入湖底, 浮出時手上拿的匙羹正是鄉下佬的匙羹, 問:「這是你的匙羹嗎?」鄉下佬說:「是的, 這正是我的匙羹。」湖仙對鄉下佬說:「你心地憨厚, 不受到金匙羹的誘惑,這四把金匙羹便送給你了。」鄉下佬便歡歡喜喜的回家去了。
(左至右:AV793, Mr.9號, Finisher's赤, SM02)
仲未決定到用咩隻色噴KOG
相比之下, Vallejo 793好濃郁既黃色, 留黎噴重戰機奧津就fit晒
郡是9號就最粗, 色澤同仲紅過Finisher赤金, 赤金係超級超級滑, 但係欠金屬感, 幾乎唔似金屬色, 反而好重光油既光澤, 可能係我未撈勻, 而且摭蓋力最低..
SM02果支其實我係用一大pat赤金加幾滴SM02, 但係SM02差唔多完全摭晒赤金既色, 同之前噴果件百式頭比較差唔多色, 同赤金溝完只係變左勁重光油既感覺
因為Finisher's超幼, 對底色好敏感, 另外做多兩次底色測試, 左至右:紅、白、黑底。D光o係側邊打斜射入去就見到晒底色
多謝師兄分享.......{:6_193:}{:6_193:} 膠金匙........{:6_174:} 勁.......!
好認真.......期待你隻KOG 完成樣 好正啊...{:6_193:} 本帖最後由 大佬John 於 2011-12-16 17:30 編輯
其實呢個post得我自己睇到...D相影唔到D乜野...{:6_192:} 試下o係AV上面噴光油, OK冇事, 聽日出去買其他金色, 另外Finisher果隻用普通thinner 出到金屬質感, 之前用T09係唔得既.. 本帖最後由 大佬John 於 2011-12-16 20:25 編輯
一早特登出去, 入到康田一睇地下以前放liquid gold個貨架...XYZ#*&..空既一支都冇! 想掉頭走, 行一個圈八掛下, 見到檯頭有一盒盒白色蓋既野, 埋去巢下係咩黎...正呀...一盒六支有齊
買左Red Gold, Green Gold, White Gold, $28.5一樽抵到爛
上youtube睇見人油公仔, 用red gold做陰影, 跟住highlight 用white gold, 我諗想濃D就加D red gold, 淡D就加white gold吧?
另外買左支$23 Vallejo 半光澤(Satin), 同$29.5 Thinner看門口。
跟住行返去旺角, 諗住咩金色都試下, 連Gaia油都唔放過, 不過一拎起支 Gaia 10 金來睇, 底下D粉又係銀色既, 得談笑即時放返低...
上去富聯, 有赤金粉同青金粉, 7,8十蚊一包, 睇落正不過貴, 手頭已經有幾支AV就算了, 買左支郡是有盒裝既面相筆 $62, 寫住專利乜春特製.. 比田宮有盒既筆平好多, 唔知用落差幾遠..之前買廿幾蚊果D, 用一次就已經開叉了...
上面仲有DMC 0.12推刀, 陶瓷刀 好吸引但係忍手唔買咁多野
長谷川針銼 10支裝 $110, 因為平時用開果D係五金舖野, D邊位唔起角唔sharp又彎, 每次銼完都要執一餐...呢套乾淨企理好多...但係其實慳返$50蚊買5支裝就夠, 有D形狀好少用到, 五支裝最常用來來去去都係果兩支...都唔知點解會買左10支裝...
野雞U-star既鉗一套 $38, 好差, 長短厚薄都唔對稱, 點夾野呀? 真係唔應該貪平買土炮
某某店有老翻關節技 球形joints...諗住唔駛自己複件平平地買兩包, 不過一睇, $45...正版都係$40咋, 仲要翻得好核突...走
雖然唔係話有牌子寫住模型專用就會好D, 不過今次係真既
今日無無謂咁駛左三舊幾水
本帖最後由 大佬John 於 2011-12-17 23:32 編輯
左右上下: 793rich, 793+794red(極少), 793+794(少), Mr. 9號
795Green+794red(極少), 795Green+794red(少), Finisher's赤金
最右下Finisher's赤金各方面都好似後面個相架咁, 793加極少795就好似Mr.9, 795Green+794red(少)都似Mr.9
左至右: 純793, 793+一份794red gold, 793+兩份red gold
我溝好少, 實物既分別都唔明顯, 睇相就要俾D想象力, 我鐘意中間果個, 同Mr. 9仔個tone近似, 當然幼滑D, 右邊加兩份就Over左D
中間係Finisher's赤金, 最少金屬感, 左右係加左794red gold既 793同795
頁:
[1]