弦途有你 + 海角七號....J J 小評 (含內容)
本帖最後由 lkljason 於 2009-1-12 01:48 編輯呢個禮拜一口氣睇左兩套愛情片，風格都幾大差異，梗係啦！因為一套係西片，一套係華語片。而咁岩得咁蹺兩套戲當中都穿插d歌仔，呢兩套電影戲院上畫時都有不俗既評價，好~~~即管睇睇係咪名不附實至得！
http://www.moviesuper.com/big5/Graphics/DATA/Information/IN-3592.gif
首先講講弦途有你，呢套既dvd買就買左好耐，但久久未的起心肝睇，襯果晚夠精神開黎睇，套戲無論點樣講到個男主角對個女主角情深都好，但比我個感覺始終都係一個拋妻棄女既負心漢，童年時大佬意外死左點唔開心都好，都唔可以做一個藉口黎沉淪毒海兼做大滾友，反而女主角對佢不離不棄果o下仲偉大，個男主角有而家咁既結局真係執到，套戲因為片長問題，所以悶場點都有d，戲裡面d歌仔都算ok好聽，但我個人黎講套戲比我想像中差，所以 keep dvd算了！
http://www.moviesuper.com/big5/Graphics/DATA/Information/IN-4407.jpg
而海角七號睇完後，唔明點解台灣收得咁勁，套戲唔係話差，但又未置於講到如影評般咁好。封信裡面個日本仔對個女仔既回憶，我個人覺得可有可無，極期量係帶出比男女主角要真惜眼前人，如果唔係就恨錯難翻，最死仲要係大家都叫"友子"果o下故弄玄虛，真係唔知為乜。另外現實果個日本仔歌星又係可有可無，開頭仲以為同現實既"友子"又或者同寫信個日本仔有乜唔關係，原來乜關係都無，真係啤一聲。而林曉培對佢個祖母 (即係回憶裡面果個"友子") 做過d乜野錯事呢，套戲好似無交代。不過套戲都唔係完全無優點既，當中d配角都做得好過引，例如男主角o係個鎮裡面d茄哩band友，有一兩個都有自己既故事，我個人覺得著墨多小小同描逑多d男女主角既感情線可能仲好d，而結尾既表演我覺得亦都係全套戲最精彩。
總結：拍拖睇呢套戲應該會唔錯，男女主角都叫做討好，而裡面d歌仔亦都係唔錯既，可以一看！ thx JJ兄！
睇完你評語我兩套都無乜興趣......{:6_152:}
你套哈利波特睇晒未呀？ 睇左四、五，都仲係覺得好好睇，期待黎緊7月既第六集！
頁:
[1]