?
本帖最後由 tinsly 於 2011-11-11 02:09 編輯用了整整一天,煲完了期待而久的Eason最新大碟《?》
他已有兩年無出過大碟了.我有一个小習慣,就係返工放工搭車時,會在i-Pod不停repeat聽住一張碟,不飛歌地重覆听住一張碟,直至覺得悶為止,先轉听另一隻碟.
Eason對上3張專輯都為EP,得6、7首歌,好快聽厭了!(隻H3M我听足8个月架)
加上我喜愛大碟為多,完整性強好多.因此对他終於出大碟係幾分外興奮!!!
个剪影几靚!!!
但包裝要鬧!!!!点解一拎走隻CD,隻DVD一定会跌出盒.
STEP 1 : 先將CD拎走
STEP 2 : 包裝摺返埋
STEP 3 : 打返开包裝… DVD脫殼了!!!!
孤獨患者
第二次與方大同先生合作的歌,但與上次的神作《倒帶人生》比較下,就真係比下去了!
一首無晒方大同味道且平凡pop song的方大同作品.可幸是歌詞幾感人,另一首《寂寞奏嗚曲》這類寂寞系列的歌曲.
哎呀咿呀
大家都听《張氏情歌》先的,当我望Track Lists,竟將兩首国語版和粵語版的曲目,夠胆放得咁接近,应該編曲上会有分野.
果然無估計錯誤,《哎呀咿呀》編曲上「類聚」了一点,我較愛《張氏情歌》的淡然多一D.
同埋我頭几次听《哎呀咿呀》係唔係几明个內容的,但睇完个Making of,作詞人小克解說过後,發現此曲除編曲上「類聚」了外,歌詞上都有點「類聚」;《張氏情歌》真係勝一籌.
看穿
歌詞好寫實,可惜个melody感動唔到我.加上我覺得melody和編曲有點唔夾.編曲壓迫感強,可是旋律偏超脫脫俗的感覺…
吟遊詩人
好听!!!!!因近排煲緊王菀之,听完此曲,腦竟諗起王菀之在旁伴奏,好王菀之式的華麗跳脫曲色.
但此曲係同王菀之無关的,反而係另一女音樂人---王丹儀的作品.
氣紛此另一舊作《下週同樣時間(再見)》,好耐無聽过Eason唱這輕快曲目了.
張氏情歌
第一次聽到似曲,我諗起他另一首SIDE TRACK《最後今晚》
都係一个大路的旋律,卻配上一个半口語化(奇怪)的歌詞,加埋Eason認真的唱法,造成一首Pop Song.
不過《最後今晚》的功力遠勝《張氏情歌》
Baby Song
重点在鋼琴伴奏由他女兒負責,睇埋个MAKING OF会仲TOUCHING
但這類平舖直敘的曲目,係Eason強項,講故仔般的《好久不見》、《我不好愛》、《然後怎樣》……
可惜此曲旋律極唔突出,聽者完全捉唔到个節奏,可惜!!!
但Eason和康緹已將一首60分的歌,推到80分了!!!!
聽一千遍後
好old school的歌曲,極之90年代,一首極易被大家忘記的歌.
內疚
一首公式流行歌曲,亦係全碟唯一一首這類的歌.但對比他對上國語碟內同類歌,《心的距离》、《不要說話》、《對不起 謝謝》、《淘汰》…
《內疚》的賣錢性又無以上這些咁堅…
還要不要走
《敵人》、《乜口野口者》… Eason 久不久就有一首迷幻味重点的歌,驚喜不大,另一首大家極易忘記的歌.
積木
全碟我最愛此曲,他頭段唱法改變了,成个台灣佬咁.之後又変了成个鐘鎮濤咁,有趣!!!!
最开心係編曲人見到KEITH CHAN,誰是KEITH CHAN???陳輝陽先生!!!!!
神奇化妝師
《看穿》的廣東話兼低音版!!!
Muffin Man
他第五首英文單曲,但同样出現一种華語曲旋律英文詞的兀突場面.
所以BOUNS TRACK較為順耳.
總括
聽CD完啦,睇埋隻DVD的大碟製作記錄,我的感覺係《?》;
真係《?》,滿頭都係《?》問號…
作為一个13年Eason忠實樂迷,可能希望越大,失望越大…
這隻碟整體質素上係完全無問題,維持他一貫国語碟的上佳質素;
但私人情感上就真係《?》,
其一係全碟無一首歌打中我心.無解釋的,打唔入就打唔入.而且這碟無咩“葡萄成熟時”的慢熱作品,越煲越有味的歌真係欠奉.
其二就係他的聲帶損坏程度真係几嚴重,几心痛的!!!不如小休一下吧!!!! tinsly 兄等你出帖等好耐了,好欣賞你寫的report,上次看完你寫Eason 個 帖便掃了一批回家聽,對佢的歌有多了認知及入了記憶
carry on write more report, I will keeping to see more and more, thanks!!{:6_190:} 打唔入你心，係咪因為無經歷過呢？！
本來我都想買，見你咁講，又想慳番
買林俊傑演唱會好過咯.... Thx for Ching yr good report!~ let us have consideration to buy or not~~^^ Tks for your report Ching, his last Mandarin album is too good....{:6_238:} the packaging is terrible again! the packaging is terrible again!
anan_andy 發表於 2011-11-11 15:13 http://www.post76.com/discuss/images/common/back.gif
我(地)都講到口攰..........{:1_346:} 投訴依舊,包裝照舊........{:1_334:} 回復 2# 阿正
唉~~~工作关係,依家的確無咩私人時間,得閒我就会上吓嚟吹水啦!!! 打唔入你心，係咪因為無經歷過呢？！
本來我都想買，見你咁講，又想慳番
買林俊傑演唱會好過咯.... ...
kalok6 發表於 2011-11-11 09:06 http://www.post76.com/discuss/images/common/back.gif
無經歷過???又唔係呀…
除咗首《Baby Song》我仲未令会到外,其實佢其餘D歌(歌詞)都好生活化吓.
首《看穿》和《神奇化妝師》所講都係我推崇的做人態度----「帶住面具做人」,但个melody真係吸引唔到我.
Eason之前的碟通常聽頭一、兩次就會有一首歌畀我攝住.
以新艺宝時期為例:
《U87》的《浮誇》演繹方法及質素,係佢新艺宝時期最好的作品.
《怎麼樣》的《對不起 謝謝》令我想起我最愛Eason的国語歌《謝謝》,当一个續集.
《Life Continues...》的《想聽》的旋律很優美,係我少有喜愛的雷頌德先生作品.
《What's Going On...?》的《不如不見》,有種《我不好愛》的感覺,講故仔,一首心翳歌.我仲記得当日因預咗買《What's Going On...?》,特登帶埋部discman出街,第一时間拆嚟听.當時我搭緊MTR,一听到《不如不見》此曲我即刻呆咗,想喊,仲落錯車添.
《What's Going On...?》的《粵語殘片》真係勾返起初恋的畫面,幾开心的.此曲係Eason的「小品之王」
《認了吧》的《月球上的人》係一个廣播劇插曲,當年我有聽,因此好易令我帶入首歌,係Eason最有电影感的歌.
《Listen To Eason Chan》的《狂熱革命》係Eason最好“un”的歌.
《不想放手》的《然後怎樣》我每次听到都會心翳,仲諗返起嗰年我真係撐得好辛苦.
《H3M》的《不來也不去》十分蘯氣迥腸,真係無論旋律及歌詞都很美!!!係我近五年嚟最欣賞Eason的歌.
《上五楼的快活》的《床头灯》此編曲令我想起本人最愛的Eason’s Song《反高潮》,歌詞又寫得好無奈,但又值得反省,《然後怎样》續集.
《Time Flies》的《大人》有趣地講出:「其實大家都係『人』嚟姐」
《Taste The Atmosphere》的《花花世界》我對這種講述「死亡」內容的歌会分外入心.最愛最尾一句「精彩闊別花花世界」
《Stranger Under My Skin》的《最後派對》同样講人生死亡的作品,此曲無論以第一身或第三身出發听,都有百般感慨.
今次這張《?》,真係好勉強,先夾硬找到一首,会令我有少少情緖勾起的歌,就係《積木》.原因係真係夾硬揀出嚟的,唉~~~ 我(地)都講到口攰.......... 投訴依舊,包裝照舊........
sunboy 發表於 2011-11-11 16:00 http://www.post76.com/discuss/images/common/back.gif
啱啱拆埋只蘇永康,又係用紙托住隻碟,又易花!又易跌!
我真係寧願畀多幾蚊唱片公司,唔好再慳皮,換返个膠托畀我呀!!!
頁:
[1]
2