《潛逃時空》(In Time) ............. J J 小評 (含內容)
本帖最後由 jayjay 於 2014-9-21 12:06 編輯故事概念一流，用時間比喻金錢，不過捉到鹿唔曉脫角，套戲真係可以叫做虎頭蛇尾。男主角因為救左個求死嘅「有錢」男人，知道左「有錢人」就長命百歲，而「窮人」過左25歲後就要朝唔搵得晏嘅制度其實係一個陰謀，但男主角知道後又好似毫無計劃咁想去做啲野改革。而女主角我覺得佢嘅動機唔夠鮮明，有啲無厘頭咁就去跟個男主角跑跳碰，最後仲搶劫佢自己老豆間時間銀行，而打劫果part又兒戲到死，一架貨車隊埋去每人渣住把手搶就搞掂收工，如果咁簡單就打到劫，其他窮人早就反左啦，駛鬼喺度等死咩，比啲計劃我得唔得先。最後男主角走左去女主角個老豆既office度攞左啲大銀碼既時間分比啲窮人，講真又唔係好明點解咁就可以反到，連啲差佬最後都意氣闌珊咁話我都係返老家啦！吓~~~又兒戲左啲掛！仲有仲有做差佬嘅《蝙蝠俠：俠影之謎》(Batman Begins) 稻草人，我諗住佢最後會幫個男主角黎反政府，點知最後竟然有啲硬膠咁就.........唉！(真係嘥左個演員)
講真成齣戲我又唔覺得有太多悶場，起碼冇睇過錶嚟打發時間，套戲唯一可取就係成套戲啲男男女女都係比較養眼，因為全部樣貌都係維持喺25歲嘛，包括男主角嘅阿媽。不過成齣戲犯駁位實在太多，好多位仲要唔係好講得通，所以真係要扣分，如果你抱住好似睇《潛行凶間》(Inception) 嘅話，sorry~~相信你會界凳都有知，但如果你帶住睇完就算唔使點用腦嘅心態去睇嘅話,ok~~~gogogo睇啦！ 我都認同劇本較弱，如果個概念俾爾冬陞拍可能仲正，不過導演選角真係唔錯，男的「型」，女的「索」。 呢套戲Olivia Wilde吸引到我！
但係有樣野好奇怪，點解Amanda o係 IMDB裡面cast會無名出。
http://www.imdb.com/title/tt1637688/ 呢套戲Olivia Wilde吸引到我！
但係有樣野好奇怪，點解Amanda o係 IMDB裡面cast會無名出。
...
lkljason 發表於 2011-11-2 17:00 http://www.post76.com/discuss/images/common/back.gif
有呀，係full cast and crew入面{:6_142:}
話晒女主角，乜排到咁後架，反而Olivia Wilde叫做客串都排咁前！ 留番租碟睇.......{:6_136:} 昨晚睇左。
我覺得女主角應該同男主角個阿媽換轉，一來女主角唔夠高，二來男主角阿媽靚D。 呢套我都睇左, 其實個劇本唔錯, 拍就粗枝大葉左少少~
男主角 (窮人) 朝不保夕, 今日唔知聽日事, 所以成日尋刺激, 搏到盡, 無計劃係正常既...
女主角 (有錢人) 時間多到唔知點打發, 突然有 d 新鮮事, 好過癮, 一於去玩打劫...
但係 d 打劫追車場面, 我都無期待佢有 TDK JOKER 打劫的水準, 不過又真係太似 TVB D 劇集咁兒戲, 如果唔計較 D 動作場面, 由於套戲 d 主角的生命成日倒數, 其實都幾刺激的, 值得一看! Great Report{:6_193:} 本帖最後由 jayjay 於 2015-2-15 09:59 編輯
頁:
[1]
2