我的機械人女友...J J 小評 (含內容)
http://www.moviesuper.com/big5/Graphics/DATA/Information/IN-4207.jpg一套關於時空交錯既電影，睇呢d電影一定要好留心睇同埋注意佢d細節，我覺得樂趣會大d，故事係講御宅男遇上陌生女子同佢慶祝生日，但慶祝完就好快離開無出現過，一年後陌生女子再度出現，但原來呢個女子係未來既御宅男，費盡積蓄製造既機械人黎保護自己，聽落都有d亂啊呵？套戲睇完有好多值得討論或者思考既地方，究竟最初女主角係點樣認識男主角先既呢？係未來識先定話現代識先既呢？即係有雞先定有蛋先既爭辯，點都講唔清！姑勿論點都好，套戲我覺得係好睇既，有笑有情，結局仲係我Like既，雖然好多人覺得bad ending係貼題d，但我鐘意Happy ending呀~~唔得咩！
男女主角都做得好好，加上有科幻又有d見得人既特技 (日片黎計)，兩個鐘頭對我黎講無悶場，值得一睇！ Happy Ending good ar~ 呢套戲之前戲完睇左.其實有好多反駁位..不過我個人覺得幾好睇,唔知會唔會出BD呢...都係忍下手先.
P.S, 完聲大碟都好正。 同意！反駁位真係唔小，好似未來女主角因為有個機械人好似佢個樣，所以至買左佢兼裸左佢d記憶而對男主角動情回到未來，但男主角都係因為對佢一見鐘意而制造個同女主角一樣面貌既機械人，咁究竟邊樣先呢，套戲無乜點解釋！
男主角無因為意外而受傷開始，正常未來應該已經改寫，佢無中巨額獎金，機械人已經唔應該存在，但個機械人仍然能夠同佢生活一段時間到東京大地震，呢樣都覺得有d怪！
不過唔太執著呢d位既話，套戲真係幾好睇！
bd唔貴既話都有d性趣！
頁:
[1]