生蠔有蟲嚇壞食客
轉載自蘋果日報生蠔有蟲代表新鮮？有市民日前於中環一間餐廳享用生蠔，數隻下肚後，赫然發現有數條活生生的小蟲在吃剩的蠔殼內蠕動，狀甚惡心。事主向餐廳投訴，但對方指「生蠔有蟲係好正常，代表新鮮」，令事主非常氣憤。有關餐廳負責人回覆本報指出，蠔殼有蟲不出奇，亦難完全洗淨，強調蟲不會鑽到殼內。
吃生蠔見蟲的事主甘小姐，上周四（ 27日）晚與友人到中環歌賦街 Babylon餐廳用膳，叫了一打生蠔，吃至一半，赫見數條黑色小蟲在吃完的蠔殼內蠕動，最長一條約 3厘米，不斷由蠔殼鑽出跌落碟上。
甘小姐大感倒胃，向餐廳投訴，惟職員指「有蟲係正常，代表新鮮」，強調無問題。甘小姐無奈道：「直情新鮮到好似喺海灘執返嚟咁，生嘅食物係有蟲，但唔應該俾個客見到！又唔知有冇食咗落肚影響健康，以後唔會食貝類海產！」
餐廳負責人徐先生回覆本報查詢時稱，蠔殼有蟲並不出奇，特別是當晚甘小姐叫的澳洲蠔，但他強調蟲只寄居蠔殼外，蠔肉仍可食用：「如果鑽咗入蠔殼，都俾隻蠔食咗啦！」徐告知生蠔來貨後會放入冰櫃，客人落單後會先冲洗蠔殼，開蠔後再用冰水清洗，掃走殼碎，即開即食，他承認：「蠔殼有好多凹凸位，如果啲蟲匿喺入面，好難洗走。」
其實除甘小姐外，今年 7月亦有人在銅鑼灣一間食店吃蠔時見蟲，更把片段放上 YouTube。資深名廚周中解釋，生蠔有蟲附在殼上十分常見，惟不會鑽入殼內，餐廳為保留原味，多不冲洗，而且以淡水洗蠔會縮短其儲存期：「生蠔係食海水味同鮮味，一冲就冇！」有說有蟲的蠔較新鮮，他指：「連條蟲都未死，證明隻蠔由海度撈出嚟冇耐！」他笑稱：「我自己都間唔中見到，而且入口有檢查㗎嘛，唔使驚！」
傳染科醫生勞永樂指，「睇得到嘅蟲唔危險，見唔到嘅病毒同細菌先危險！」他解釋，貝類寄生蟲與人體寄生蟲品種不同，不會由進食傳播，「除咗不雅之外冇乜大問題！」惟勞永樂又補充，進食生蠔或會感染甲、戊型肝炎或諾沃克病毒，甚至創傷弧菌。 {:6_192:}{:6_192:}{:6_192:}
幸好小弟小食生蠔 ！ 其實好多野都係眼不見為乾淨.......{:6_148:} 生蠔有蟲糸正常,講蠔既書有講,蠔既虫幫助隻蠔生存,個食客糸缺乏尼類知識,不過D虫又確糸樣衰D{:6_186:} 有蟲真係唔出奇，不過拎出嚟畀你食嗰陣喺度躝躝吓真係好核突，我都食唔落........{:6_186:}
頁:
[1]