小投資都會有改善(木釘腳)
本帖最後由 leo25 於 2011-10-29 00:28 編輯自從由科寶6V6既膽機轉用石機後, 少左味精但就令我聽到更多細節, 音場都有所改善, 而且聲音真實還原度比較好. 但就稍嫌低頻唔係幾夠, 而且聽慣6V6既圓潤既中頻, 一下子都未習慣到, 所以就想到可以試下加木釘腳會唔會有所改善. 當然我呢D冇銀一族, 唔會捨得買D貴貴既木釘, 唯一辦法, 當然係淘一淘啦, 話就話係黑檀木, 當然相住先啦, 睇睇相先 :
先黎一張全家福
會放係CDP底, 直徑43mm, 高33mm, 上面個粒話係紫水晶(我諗正確應該係鋯石), 又係當住係先啦,
釘墊預備用黎墊喇叭, 不過唔會用住, 慢慢玩完CDP釘腳先, 唔駛心急用
仲送埋一條Blu-tack添, 真細心, 不過我冇用到
木釘一套三件=RMB120, 釘墊8粒=RMB64, 運費=RMB30, Total 人仔214, 抵玩
暫時我只用左3粒釘腳比CDP, 釘墊唔會玩住, 咁先可以聽下加左既分別. 因為部SPARK MT-CD100 有成19kg重, 我驚長期只壓住一點接獲點會太重而壓凹個底, 所以先加左金屬釘墊响水晶上先頂住CDP底部 (好彩有d倉底貨剩)
等小弟膽粗粗分享一下非專業既聽後感啦
先黎張聽歌時既器材相先
試低頻, 先搵左呢兩隻相信大家都聽慣既
先聽首趙鵬既<外婆的澎湖灣>, 聽過呢隻碟既師兄都知呢道既低音有幾勁, 比我估中左, 加左釘之後低音真係潛得深左, 而且收得靚左, 居然會有餘韻, 掂{:6_193:}
再黎當然係<Hotel California>啦, 前奏音樂既結他清脆得黎唔刺耳, 而跟住既鼓聲亦實得黎唔會死板, 不過最驚喜係居然可以聽到歡呼聲有前後深度, 真係始料不及 {:6_134:}
聽呢隻碟又點可以唔試埋<Desperado>呢, 可以好肯定咁講, 我聽到喉底音係比未加釘前強
再黎就用呢幾隻最近常聽既CD試下女聲同音樂感先
篇幅好似太長喇, 都係講下重點好喇
2V1G既<心動>, 結他聲好有彈力, 人聲亦好出
林小寶既<眼淚為你流>, 我認為係全碟中最發燒既錄音, 中段果段Sax真係令人好回味, 中低頻好正
King sir推介既羅琳既 <我真的受傷了>, 鋼琴同人聲都聽得好舒服, 不過呢隻之前唔係聽左好多次, 所以唔知有幾多改善左
最後係我至愛既胡琳, 呢隻我成日日聽夜聽, 所以聽得到既分別亦最容易察覺到, 唔知點解聽到多左愁善感...
總括而言, 唔係誇大, 真係中低頻同音場都有改善, 當然唔會話係完全唔同哂啦, 多謝各位師兄嘥時間收睇 {:6_162:} ching，我想問你隻Eagles響邊買到？幾錢隻呀？
唔該。 ching，我想問你隻Eagles響邊買到？幾錢隻呀？
唔該。
ericlam168 發表於 2011-10-29 00:28 http://www.post76.com/discuss/images/common/back.gif
我個時係AV 展買, 唔記得幾錢喇, 不過而家冇NO.既, CD Warehouse好似賣緊$200 我個時係AV 展買, 唔記得幾錢喇, 不過而家冇NO.既, CD Warehouse好似賣緊$200 ...
leo25 發表於 2011-10-29 00:30 http://www.post76.com/discuss/images/common/back.gif
等我去搵搵先{:6_208:}
唔該晒ching 好平喎. 香港買黑檀木釘要3, 4倍價錢. {:6_206:} 係咪黑檀木就好難講, 宜家啲黑檀木好貴...不過淘寶嘢唔緊要, 最緊要有效果!! {:6_193:}
見到leo兄隻SPARK MT-CD100真係令人羨慕...{:6_212:} 係咪黑檀木就好難講, 宜家啲黑檀木好貴...不過淘寶嘢唔緊要, 最緊要有效果!!
見到leo兄隻SPARK M ...
ykluk 發表於 2011-10-29 01:24 http://www.post76.com/discuss/images/common/back.gif
多謝luk兄加分先, 我都唔信佢係黑檀木, 所以標題都係打木釘算 {:6_174:}
唔駛羨慕我部MT-CD100既, 你要既真係垂手可得啦, 不過應該貴D既CDP襯你多D喎{:6_138:} 黑檀木喺原木AV展見過.... 多謝luk兄加分先, 我都唔信佢係黑檀木, 所以標題都係打木釘算
唔駛羨慕我部MT-CD100 ...
leo25 發表於 2011-10-29 01:39 http://www.post76.com/discuss/images/common/back.gif
做咩個個都以為我好有錢？！{:6_121:}
班衰人成日亂寫廿四搞到我形象咁，其實小弟真係無銀架，唔係就唔會羨慕啦！{:6_125:} 好好的投資!
頁:
[1]
2