《那些年，我們一起追的女孩。》觀後感(有內容)
本帖最後由 ykluk 於 2012-3-29 09:54 編輯早喺個幾月前, 商台903已經不停咁講呢套戲, 網絡鬼才九把刀拿下台灣四億票房既青春片已經夠叫座力, 再加上日播夜播既主題曲 - 胡夏既《那些年》, 令一直鍾意睇愛情青春片既小弟一個月前已經買咗隻ost嚟聽. 唔知點解優先場唔睇, 終於等到正式公映, 今日就同老闆入場睇.
問心, 呢個月不斷吹捧, 睇完套戲嗰陣唔多唔少會有少少失望..."邊有啲人吹到咁好睇呀!!" 反而老闆出嚟出乎小弟意外話好好睇, 因為佢連九把刀係乜水都唔知, 莫講話呢套係乜戲.
但係過咗個幾2個鐘, 宜家一路聽住隻ost, 一路諗返套戲既片段, 反而有少少戚戚然想寫少少感想.
成套戲好簡單, 其實根本就係編劇導演九把刀既個人自我滿足既表演, 佢將佢小時候同一個女仔既初戀(或者叫曖昧, 因為未正式一齊過!)既故仔講出嚟. 打正真人真事橋, 但係小弟覺得唔多唔少裡面既情節有啲係誇大, 甚至係九把刀既個人觀感 - 正如小弟覺得女仔未必如九把刀咁諗係咁鍾意佢, 如果唔係都唔會一早嫁咗第二個, 甚至之前同佢老友拍拖! 當然睇戲無謂駁古, 係真係假呢啲只有當事人先知, 或者九把刀呢套戲會搞到真人版沈佳宜同佢老公關係變差!
反而小弟最想講既係, 九把刀同小弟年紀差唔多(佢33, 小弟34), 裡面有好多事件令小弟有一定共鳴: 七龍珠, 王祖賢楊采尼既明星相同海報, 飯島愛既av片, 大學時要排隊打電話比女朋友等等. 一種以曾相識既感覺, 一種莫明既掛念, 當然相比台灣人, 我作為香港仔能夠有既共鳴感係少啲. 要一讚既係套戲既青春熱血感覺, 的確可以帶返小弟返去兒時既感覺, 為咗表現自己而同老師作對, 喺班房成日扮晒大佬搞吓啲同學咁, 既好笑又好睇!
港產片真係出唔到呢類片, 記得好耐以前既《香蕉成熟時》都唔錯, 但之後已經無以為繼. 反而台灣, 日本甚至韓國都會有呢類片種.
作為一個老青年, 諗返以前唔多唔少會為過去既無知幼稚而覺得可惜, 會因為為咗證明自己而去打交, 會因為面子而同啲高材生鬥成積, 會因為想搏得女友一笑而跑到腳抽筋都要拎個獎牌返嚟, 會因為想同女友睇一套《整蠱專家》而成個星期唔食lunch去慳錢, 會因為一啲無聊而低能既事可能就會放棄一段戀情. 不過回憶係自己人生最好最寶貴既寶藏, 既獨特而又無人可以拎走. 所以有時睇返呢類愛情青春片, 可以搵到一片片既回憶都幾開心. 誠如九把刀所講："我的青春很快樂很瘋狂, 郤也有很好遺憾, 這些遺憾是青春美好的副作用, 帶著我回到十七歲那年的青春盛夏."
早排因為影結婚相既關係, 係間房執嘢時搵到一啲中學同大學時期既書信, 相片同紀念冊. 睇返自己以前青春時代都轟轟烈烈過, 亦會諗到如果當時做既決定或者行為有少少唔同, 今時今日都未必係咁情況, 或者唔係同宜家個老闆一齊. 好似戲裡面沈佳宜所講："曖昧既時候係最美麗, 如果可以長一啲就可以享受多一啲." 宜家呢種曖昧感覺只能回味, 或者藉著電影比我咯.
當然時間唔會返轉頭, 就算得我都未必想, 但小弟有時會諗, "如果當初唔係咁會點呢?" 而呢啲如果, 只能夠好似戲裡面咁(個人覺得都係九把刀所諗), 如果真係有平行世界既話, 我諗我可能同以前既某某一齊結咗婚生埋仔...有時對一啲自己無可奈何既事, 放咗喺所謂既平行世界去進行, 內心都會有另一種釋然...
如果有ching睇到嚟呢個位, 真係唔好意思, 小弟借咗呢套戲呢個機會去舒發咗某種感覺同某種個人思想. 而呢樣亦都係九把刀喺《那些年，我們一起追的女孩。》裡面所做既同一事情!
"青春是一場大雨. 即使感冒了, 還盼望回頭再淋它一次." 本帖最後由 RiceR9 於 2011-10-21 12:35 編輯
回復 1# ykluk
細個有D事...或者係唔愉快既經歷, 現在諗番起, 已經由苦變甘!!
真係有D事...有D處理方法或決定改變的話....我肯定...我自己既故事都會改寫,
依套戲我都好期待睇....不過係因為套戲名令我想起細個一D事.... 回復ykluk
細個有D事...或者係唔愉快既經歷, 現在諗番起, 已經由苦變甘!!
真係有D事...有D處理方 ...
RiceR9 發表於 2011-10-21 02:32 http://www.post76.com/discuss/images/common/back.gif
呢套戲個人覺得最成功既地方, 就係不期然勾起每個人既自我回憶!! 可能九把刀寫呢個故仔既時候只係諗住個人渲洩, 但係往往每個人既成長歷程中都有過相類似既相交點, 而呢啲相交點就成為呢套戲票房爆紅既原因!! {:6_121:}
可能有一啲個人經歷會令自己不想回首, 甚至覺得可恥, 但天大既事情, 總會有過去既時候, 希望你留低既係回味, 而唔係只有遺憾...{:6_146:} 每每以為自己有所選擇既時候, 其實已經選擇咗, 因為時間已走路已行. 當要回首時, 就正如戲裡面九把刀最後既告白:"如果真係有平行時間既話, 相信柯景騰同沈佳宜應該係好開心咁一齊到老"...選擇用平行世界去作為自我既安慰, 的確係一個唔錯既方法!! {:6_142:} 呢套戲個人覺得最成功既地方, 就係不期然勾起每個人既自我回憶!! 可能九把刀寫呢個故仔既時候只係諗住個 ...
ykluk 發表於 2011-10-21 10:13 http://www.post76.com/discuss/images/common/back.gif
或許是 少年不知愁滋味 為賦新詞強說愁 而今識盡愁滋味 卻道「天涼好個秋！」有些感覺 沒有一定經歷
是體會不來了 各位 OLD CAKE 燃燒吧 青春 哈{:6_138:}
呢套戲我未睇 我估計個感覺應該同也許呢隻歌差唔多
懶懶風扇不經意地打轉 風輕也軟 像我舊記憶一串
沒有太刻意追憶往日的你 你卻飄至 在心中打轉.....
＊我再跟你披起往事千串 飄得遠遠 沒有辦法算出多遠
但你我不見 匆匆已十多季 我怎麼會仍隱隱依戀
＃也許當天的癡未完 想講的講未完
曾被追吹熄的火 也許未全熄去仍溫暖
也許所戀的戀未完 惟蕩進淡淡記憶中
不捨去 在打轉 在轉....
{:6_182:} 回復 4# louis001
蔡生fans{:6_193:} 早喺個幾月前, 商台903已經不停咁講呢套戲, 網絡鬼才九把刀拿下台灣四億票房既青春片已經夠叫座力, 再加上 ...
ykluk 發表於 21-10-2011 01:51 http://www.post76.com/discuss/images/common/back.gif
6叔最近仲睇過啲咩戲？ 6叔最近仲睇過啲咩戲？
245141525 發表於 2011-10-21 11:52 http://www.post76.com/discuss/images/common/back.gif
最近都唔係睇過好多戲, 鐵甲鋼拳囉~~{:6_142:} 最近都唔係睇過好多戲, 鐵甲鋼拳囉~~
ykluk 發表於 21-10-2011 11:58 http://m.post76.com/discuss/images/common/back.gif
寫多啲影評啦！！！{:6_124:} 寫多啲影評啦！！！
245141525 發表於 2011-10-21 12:02 http://www.post76.com/discuss/images/common/back.gif
大佬, 我寫一篇嘢用咗2個鐘, 都要有時間先得架...{:6_125:} 大佬, 我寫一篇嘢用咗2個鐘, 都要有時間先得架...
ykluk 發表於 21-10-2011 12:05 http://m.post76.com/discuss/images/common/back.gif
咁又係~
你仲要留返啲時間寫碟評、CD評、機評、喇叭評、線評......
都真係幾忙！
{:6_174:}