爛鬼拖板之爛鬼DIY(16-Oct-2011更新)
本帖最後由 ilavbnm 於 2011-10-16 16:33 編輯警告:
DIY或改裝任何電源器材，皆屬危險行為
如對此項作業不熟識者，切勿模仿或嘗試自行DIY或改裝任何電源器材
大家亦要留意，圖中拖板已不乎合現行香港拖板或插座標準
1. 首先當然睇吓個爛鬼拖板外在同內在先啦
一見個樣同表面d漬，就知個拖板有返咁上下歷史(用左十幾廿年)...{:1_260:}
睇埋入面，手工用料~算吧啦.....而且最慘無咩位可以比我走線...{:1_348:}
跟住發現一粒黃色不知名物體，表面無任何數值(根本連字都無隻)...{:1_342:}
外殼物料只係普通塑膠，完全唔似電容/電阻物料...{:1_342:}
2. 拆散清潔(保險掣&全部開關掣除外)
3. 第一次換線
老細話要保留開關掣方便使用
不過我都飛走保險掣&果粒黃色不知名物體
跟住拆條AWG14散芯線做拖板內部接線(夠晒粗應該無死啦)另外接Belden 15A...{:1_339:}
點知→金翅出事鳥，一開聲d聲衰到無朋友，淨係得股蠻力，又粗又惡...{:1_331:}
畫面就好彩d，無咩改變，唔覺好左亦唔覺衰左
4. 心灰意冷&第二次換線
頂左個拖板幾日，無晒心機，打算還完返佢就算
但係睇見原本d線咁肉酸，又真係......咁就睇吓手上仲有d咩線o岩用啦
點知淨係搵到幾尺1.5mm單支銅o岩用，而且仲要只係得啡色
突然心生一念，改就改啦，最多老細出聲果陣咪買過個有開關o既拖板o羅...{:1_339:}
今次E同N由Belden 15A直入
L就先用單支銅分成三條各接兩個位，然後再o係三條線中間接上Belden 15A
雖然咁做有d偷雞，但係夠位比我走線，而且都算獨立走線比L位...{:1_338:}
5. 完成品
雖然我已經飛左保險掣&所有開關掣
但係我都保留返佢地，因為可以保留外觀完整&唔使搵野補返拆左佢地d窿
6. 賽後報告~金翅友經起鳥
原本諗住唔差過原裝就算，但係估佢唔到，竟然聲畫都有可聞性提昇...{:1_340:}
聲音:
背景靜左，中至中低頻厚左，力度好左但無變粗，分析力同分隔度都提高左...{:1_328:}
畫面:
色彩豐富左實左，細節多左，立體感強左
相比之下，以前好似有層霧，依家就撥開左層霧一樣
依家我用緊S350，畫面竟然比之前用9500/9600仲靚...{:1_344:}
PS.以上效果只係換線前後比較，並唔係話喱個拖板可以比美發燒級產品...{:6_162:}
16-Oct-2011更新
7. 第三次換線
KING SIR一句"得單邊行有咩用呀"，激發左我o既好勝心
令我決定改埋N線(E我就唔埋啦)，左度右度終於比我搵到位走線
我只得啡色線，為左容易分線，我就用筆畫左條黑線落去
今次走線，聲畫改變已無之前咁大，但係初步仍然聽到聲音實在左
8. 後話
雖然我都認同一個咁o既拖板，的確唔值得擺太多心機落去
不過今次DIY除左可以過癮之外，仲令我從中學到一D野
之前我認為"手拖手&獨立走線"，應該唔會有太大分別(其實兩者都算併聯)
但係今次改完之後，分別之大~可以話完全出乎我意料之外
今次經驗，對我將來再有機會DIY拖板o既時候，的確好有幫助 好手工之作.......{:6_193:} {:6_193:}勁呀, 普通拖板都可以用黎DIY改造, 真係唔比分都唔得呀 回復 2# edlsang
.........{:6_162:} 回復 3# leo25
就係整死左都唔怕....{:6_158:} 嘩, 而家D Ching DIY 越來越多元化, 完全跟唔上鳥 {:6_176:} 工程唔細喎～化腐朽為神奇，手術前跟手術後判若兩物；ilavbnm 好工藝 {:6_193:} 回復 6# pinkspider
玩到無野好玩...............{:6_158:} 工程唔細喎～化腐朽為神奇，手術前跟手術後判若兩物；ilavbnm 好工藝...
circleli 發表於 2011-10-15 16:28 http://www.post76.com/discuss/images/common/back.gif
其實太耐無diy啦...之前條15A同喱個拖板算係習作o黎...{:6_162:} 其實太耐無diy啦...之前條15A同喱個拖板算係習作o黎...
ilavbnm 發表於 2011-10-15 16:35 http://www.post76.com/discuss/images/common/back.gif
好後面陸續有 {:6_193:}