25%大閘蟹含雌激素
【本報訊】重陽後大閘蟹更肥美，但有化驗所抽驗市面專門店、街市等 30多個大閘蟹樣本，發現 25%含雌激素，有樣本每克蟹膏含 0.1微克雌激素，吃兩隻已超出世衞每日攝取量上限。雌激素疑來自人工化學物。有醫生指，以雌激素餵飼可加速蟹成長，「家啲蟹越嚟越肥大。」但人類攝入過量雌激素會引致乳癌、卵巢癌、睾丸癌及不育。
化驗所 SGS食品部高級經理劉慧怡表示，政府現抽檢食物雌激素時，只針對三種禁用雌激素，包括乙二烯雌酚、乙二基已烯雌酚及已烷雌酚，但雌激素有逾萬種。該所研發顧問陳子翔說， 7月至今透過「轉基因魚測試」，檢測從店舖、街市買來的三十多隻大閘蟹，發現 25%含雌激素，每克蟹膏雌激素含量，由 0.015微克至 0.1微克不等。他說一隻大閘蟹的膏約 15克，即雌激素含量最高樣本一隻已含 1.5微克雌激素，而世衞建議 60公斤重成人每天不可攝入逾 3微克雌激素，即吃兩隻已超標。
劉慧怡說，政府應加強抽驗大閘蟹等食物的雌激素含量。
檢測發現 25%大閘蟹樣本含雌激素。
吃兩隻超標：可致睾丸癌
陳說，化驗樣本不算多，未必全面，因此不透露樣本來源及平均雌激素含量；也有樣本每克含 0.04微克，普遍不算高。他續稱，雌激素存在於動物尤其雌性、植物如黃豆等，但大閘蟹本身含雌激素偏低，若每克蟹膏含達 0.1微克，「咁就可能唔只嚟自天然咁簡單」。
他說雌激素也可來自避孕藥、工業化料等，坊間曾傳不法商人為加速大閘蟹成長及長膏，餵飼避孕藥催谷，「有啲蟹好細已經好多膏，好似女仔太細有經期、乳房發育太早咁唔正常。」劉慧怡說雌激素無味無色，消費者難以辨別，應向有商譽店舖購買。
家庭醫生關嘉美指出，攝入過量雌激素，可引發乳癌、卵巢癌、睾丸癌等，男性會不育，女孩也會太早熟，如乳房太早發育、過早來經。
她估計，不法蟹農未必以避孕藥餵飼蟹，但可能是以類似避孕藥成份的化學物：「家啲蟹越嚟越肥，啲膏又出奇地咁多，所以我都唔敢食喇。」
食物環境衞生署發言人回應時表示，該署定期測試市面蟹類食物，測試正進行中。
轉載於<蘋果日報> 食一定要食, 不過食少啲........{:6_195:}{:6_195:} 平曰到好小食 ！ 可致睾丸癌，問你仲敢唔敢食！ 咁要食少啲{:1_260:} 我呢幾年都冇食過，因為見到佢D羔就驚，膽固醇呀...........{:6_130:} 我呢幾年都冇食過，因為見到佢D羔就驚，膽固醇呀...........
jt24 發表於 2011-10-10 19:54 http://www.post76.com/discuss/images/common/back.gif
就因為蟹膏先有咁多食 {:6_138:} 就因為蟹膏先有咁多食
circleli 發表於 2011-11-10 19:59 http://www.post76.com/discuss/images/common/back.gif
好食嘅嘢通常都係冇益嘅！{:6_125:} 咪係.......口褔/健康；永遠都係背馳對 {:6_171:}
頁:
[1]