魔幻王國：卡斯柏王子.....J J 小評 (含內容)
http://images.blu-ray.com/movies/covers/1189_front.jpg今集套戲都比較長 (我指片長呀)，超過150分鐘，我覺得呢集個故事都幾獨立，不過有睇過上集既朋友再睇呢集梗係親切好多啦，原著小說我無睇過，所以真係唔知故事有無加減，但如果睇過上集既朋友覺得都OK既話，咁呢集D打鬥場面應該會較上集滿意，起馬唔會話兩三o下就話打完果隻。
講翻個故仔，承接上集講四兄弟姐妹Back to the Future 翻返現實世界一年之後，過返校園既生活，但皮蛋王 (Peter 王呀~~XD) 念念不忘自己係大人既日子，比人當細路就唔多Like。另一邊Narnia原來已經過左千幾年，Narnia亦比坦摩族既人類趕盡晒絕機乎絕種。而坦摩族既卡斯柏王子被佢王叔搶奪皇位 ，o係逃走當中走左入去Narnia 避難既森林，而王子就吹起傳說中既Susan號角 (你會問支號角點得黎架？其實係王子既老師唔知係邊度穩翻返黎，o係王子著草果時交比佢，叫佢危險果時就用喎！)，咁呢四兄弟姐妹就被急call返黎幫手，一方面要幫Narnia重奪自由，而另外仲要幫阿靚仔王子裸翻個皇位令坦摩族同Narnia和平共處。
呢d童話故事最後係點唔使我多講，好人就實有好報，壞人就梗係去報到 (哈哈~~壓晒韻添)，阿斯蘭 (獅子王) 既出現幫手令我覺得有d奇怪，如果佢一早出黎，又或者係Narnia被侵略既時候出現，咁呢千幾年Narnia咪唔使咁慘囉，不過如果真係咁就無戲做啦呵~~~XD。今集我覺得Edmond似大佬多過Peter，起馬無咁衝動同細心d，而Susan同王子既感情戲略嫌到喉唔到肺，露西個樣仍然咁cutie~~~整體都算演得唔錯！
呢隻美版blu-ray無論聲畫都係出色，尤其是D surround 做得唔錯，好似有一幕露西發夢見到阿斯蘭 ，之後一扎醒咪有d好似草叢郁既聲音o係後置出黎既，我老細都縮一縮以為後面真係有野郁緊~~一笑。收錄全有中文字幕，不過估唔到係連正戲都有粵語配音，雖然我係唔會聽佢d核突配音，但有埋我梗係唔介意啦。洲立你d港版如果再係又貴又出得遲，真係想再買你d碟都難啦！
[ 本帖最後由 lkljason 於 2008-12-6 12:19 編輯 ] 原帖由 lkljason 於 2008-12-6 10:34 發表 http://www.post76.com/discuss/images/common/back.gif
http://images.blu-ray.com/movies/covers/1189_front.jpg
阿斯蘭 (獅子王) 既出現幫手令我覺得有d奇怪，如果佢一早出黎，又或者係Narnia被侵略既時候出現，咁呢千幾年Narnia咪唔使咁慘囉，不過如果真係咁就無戲做啦呵~~~
係啦, 一開頭又話事不過二, 之後又走去幫Peter, 真係唔明
不過比上一集出色.都有一兩場大型戰爭睇下
對鍾情睇中世紀O的Amour嘅我見到O的Chain Amour, kite shield同board sword呀真係開心到暈.Smilies011 聽其他d影評講阿斯蘭原來係比喻阿蘇，即係你信佢就有，咁之前除左露西外都無人再信佢會出黎，所以因為可能咁就唔蒲頭勒！
不過sorry~~我睇果時一d宗教既意識都聯想唔到喎;P ！
[ 本帖最後由 lkljason 於 2008-12-6 11:02 編輯 ] 原帖由 lkljason 於 2008-12-6 10:57 發表 http://www.post76.com/discuss/images/common/back.gif
聽其他d影評講阿斯蘭原來係比喻阿蘇，即係你信佢就有，咁之前除左露西外都無人再信佢會出黎，所以因為咁就唔蒲頭勒！
不過sorry~~我睇果時一d宗教既意識都聯想唔到喎;P ！ ...
你講起又幾似喎 原帖由 chhanthony 於 2008-12-6 11:01 發表 http://www.post76.com/discuss/images/common/back.gif
你講起又幾似喎
如果唔係聽到人咁講我都get唔到原來係有呢個意思 :lol :lol :lol JJ港版唔係得利出,係洲立出 原帖由 Ricky24000 於 2008-12-6 11:10 發表 http://www.post76.com/discuss/images/common/back.gif
JJ港版唔係得利出,係洲立出
thank you更正！
呢排鬧得利鬧到慣左添;P ;P ;P
[ 本帖最後由 lkljason 於 2008-12-6 12:21 編輯 ] 原帖由 lkljason 於 2008-12-6 12:18 發表 http://www.post76.com/discuss/images/common/back.gif
thank you更正！
呢排鬧得利鬧到慣左添;P ;P ;P
哈哈:lol 原帖由 lkljason 於 2008-12-6 10:57 發表 http://www.post76.com/discuss/images/common/back.gif
聽其他d影評講阿斯蘭原來係比喻阿蘇，即係你信佢就有，咁之前除左露西外都無人再信佢會出黎，所以因為可能咁就唔蒲頭勒！
不過sorry~~我睇果時一d宗教既意識都聯想唔到喎;P ！ ...
即係小氣囉Smilies017
你唔尼搵我,我就唔幫你架喇咁 原帖由 lkljason 於 2008-12-6 10:57 發表 http://www.post76.com/discuss/images/common/back.gif
聽其他d影評講阿斯蘭原來係比喻阿蘇，即係你信佢就有，咁之前除左露西外都無人再信佢會出黎，所以因為可能咁就唔蒲頭勒！
不過sorry~~我睇果時一d宗教既意識都聯想唔到喎;P ！ ...
本身Narnia成套書係有宗教成份，好似第一集Aslan為左Edmund去受死其實暗示緊耶穌為世人釘十架...
頁:
[1]
2