2008年周年版聚 簡報
2008年周年版聚 簡報一年一度既post76周年版聚又係炒媽拆蟹聲中結束勒，大家千其唔好誤會當晚係咪有d乜野唔愉快既事情發生，事實岩岩相反大家應該都能夠盡慶而歸 ，因為當晚18個麻甩佬 (或者麻甩仔啦，自己對號入座~~DD)，一位Lady都無 (上菜個阿姐唔算啦)，所以當晚大家會比平時會豪邁一點，小小助語詞就更加唔能夠缺小，講真，如果唔係大家岩晒咀形都好難有咁既氣氛，希望唔會嚇親d新朋友仔啦，我平時真係好x小講粗口架~~一笑！今年都有d第一次出席既朋友仔我係未見過既，例如type R、阿定、WE300B同龍貓王子....等等(排名不分先後呀o下)，雖然係初次見面，但大家唔會話好生保唔出聲果隻，反而係一 "火達" 即著唔使點warm up，可能係大家平時網上已經係暢所欲言乜都講，所以感覺好似已經識左好耐咁。其次就係好耐無見過既力哥仔，咁耐無見風采不減當年 (你會問點解用當年呢，因為真係差唔多4-5年無見，好開心可以見翻d舊朋友)
今次地點係新蒲崗既得龍酒樓，由雷老板 (雷因) 幫手訂到到間 "廂房" 比我地班嘩鬼肆無忌大咁嘈喧把弊，希望唔會影響到雷因呢個熟客仔形像啦。一如以往因為版聚日期接近聖誕，所以都會玩下交換禮物仔，今年大家選購既禮物都係d熱門野多，手指 (usb記憶體) 搭模型呢條單Q就係其中較多人選購既禮物，抽到乜野禮物並唔重要，最重要係個過程同氣氛，呢樣野真係幾多錢都換唔到既。
一年一次既聚會，其實年年都講一次真係好難遷就到所有朋友仔，所以希望黎緊盡可能一年搞兩至三次聚會 (私聚唔計呀o下，小瑟麻煩你諗諗佢丫)，大家一齊出黎食o下飯吹下水，咁就唔使年年都要望穿秋水咁等周年版聚嘛！ :lol 好好玩今 聽到好多好熟悉的助語詞，好親切 ;P呢d先叫版聚呢！ Smilies006 最美中不足係冇"啤酒女郎"XD XD XD 原帖由 雷因 於 2008-12-4 14:02 發表 http://www.post76.com/discuss/images/common/back.gif
最美中不足係冇"啤酒女郎"XD XD XD
阿靚姐遞晒啤酒過你當有架啦:lol :lol :lol ;P ;P ;P 阿姐勁, 啤酒妹都冇可能一晚一檯賣成30幾枝生力喇;P ;P ;P 原帖由 雷因 於 2008-12-4 14:16 發表 http://www.post76.com/discuss/images/common/back.gif
阿姐勁, 啤酒妹都冇可能一晚一檯賣成30幾枝生力喇;P ;P ;P
哈哈哈~~~呢樣真呀！;P 我咁大個仔第一次聽到 "生力賣晒" Smilies025 飲咁少既 10幾人飲30幾碌大力 原帖由 ming 於 2008-12-4 14:54 發表 http://www.post76.com/discuss/images/common/back.gif
飲咁少既 10幾人飲30幾碌大力
冇辦法, 大部份人第二日要返工, 同埋成日話劈鑊金個又遲到, 所以啤酒走勢係先低後揚囉
頁:
[1]
2