《飈城》Runaway Blues (有實物圖)
華仔藝能時期作品，拍到公司被人上門恐嚇都算奇聞之一，１２月４日上架，千勣發行，入硬！！！Smilies006[ 本帖最後由 劉一舟 於 2008-12-3 03:59 編輯 ] 千勣港版提早星期二上架，畫面完全睇緊錄影帶feel，仲要俾個Letterbox你嘆，這是早年港產片不善妥存的弊病，聲效雖只有DD2.0，但竟然有英語配音選擇，果然夠國際化！！！:lol
區碼：全區
容量：4.15GB
螢幕比例：Letterbox
正片片長：91分46秒
音效：粵語DD2.0 / 國語DD2.0 / 英語DD2.0
字幕：繁體中文 / 簡體中文 / 英文
[ 本帖最後由 劉一舟 於 2008-12-3 12:05 編輯 ] 講真，呢顆質數求其既舊片DVD，我寧BUY VCD好過 免得眼火飈！ 但係點解會搞到今時今日至出番呢？ 之前都睇過呢套戲既帶版. 因為果時同學因為話有吳倩蓮就租尼睇.
但係睇完都唔知邊個係吳倩蓮;P 原帖由 劉一舟 於 2008-12-3 03:57 AM 發表 http://www.post76.com/discuss/images/common/back.gif
千勣港版提早星期二上架，畫面完全睇緊錄影帶feel，仲要俾個Letterbox你嘆，這是早年港產片不善妥存的弊病 ...
不善妥存的弊病？
可否講詳細點呢？
如果做remastering又救唔救得返呢？
原帖由 frankiewoo2001 於 2008-12-3 10:33 發表 http://www.post76.com/discuss/images/common/back.gif
但係點解會搞到今時今日至出番呢？
應該係版權問題！！！
原帖由 LAWSON 於 2008-12-3 11:37 發表 http://www.post76.com/discuss/images/common/back.gif
之前都睇過呢套戲既帶版. 因為果時同學因為話有吳倩蓮就租尼睇.
但係睇完都唔知邊個係吳倩蓮;P
套片冇吳倩蓮，你係咪記錯咗 "天若有情" 呀？;P
原帖由 Terence 於 2008-12-3 11:45 發表 http://www.post76.com/discuss/images/common/back.gif
不善妥存的弊病？28124
可否講詳細點呢？28125 28126
如果做remastering又救唔救得返呢？28127 28128 28129
28130
長久以嚟，香港片商都冇一套妥善保存拷貝的系統，如當年買邵氏片的投資者，一打開邵氏的片倉時，其破爛程度真係不堪入目，就算後期D2呀，U-matic呀betacam帶等都keep咗先算，再者早年港產片多數keep全螢幕或者Letterbox版本，好少會出到而家咁要Anamorphic版本，remastering當然可以救得番，如邵氏片就可見一斑，又或者樂貿那批港產片，但郁一郁動輒要大灑金錢，除非出咗會有信心收回成本，否則大部份片商寧願攞番個舊版本出DVD/VCD好過，如許氏兄弟的 "合家歡" 就係咁情形，但 "合" 片仲離譜到blow大個畫面當冇字幕拷貝咁俾人做DVD！！！ 原帖由 劉一舟 於 2008-12-3 12:41 PM 發表 http://www.post76.com/discuss/images/common/back.gif
長久以嚟，香港片商都冇一套妥善保存拷貝的系統，如當年買邵氏片的投資者，一打開邵氏的片倉時，其破爛程度真係不堪入目，就算後期D2呀，U-matic呀betacam ...
係咪好多舊港產片o既菲菻已經報癈，
只淨返工業用影帶拷貝版本呢？
拷貝受解像度所限畫面冇得提升，
即係話好多港產片冇可能出Blu-ray，對嗎？
原帖由 Terence 於 2008-12-3 12:57 發表 http://www.post76.com/discuss/images/common/back.gif
係咪好多舊港產片o既菲菻已經報癈，
只淨返工業用影帶拷貝版本呢？
拷貝受解像度所限畫面冇得提升，
即係話好多港產片冇可能出Blu-ray，對嗎？28133 28134 28135
28136 ...
其實早年港產片，尤以細成本電影，拍完多數擺喺沖印公司嗰度，若發行冇人問津，隨時擺喺度三五七年都不是稀奇事，甚至曾試過沖印公司倒閉，連拷貝都被清盤人攞埋，好多年前就有一間沖印公司發生咁嘅事，行內人都知道邊間，我記得某導演的拷貝都擺喺佢嗰度，好彩臨倒閉時，個老闆同佢講要攞番就快手，否則套片被清盤人垃埋就損失慘重！！！
另外，細成本嘅戲因budget所限，印嚟印去都係用同一個底片，印吓印吓個底片就花晒，到時駛幾多錢都救唔番，所以後嚟啲人就醒目印個反底做本，就算印衰咗都仲有個原裝底片喺度嘛，而家新拍的港產片喺技術引進後當然冇問題啦，但早期的港產片想再有大作為發行高質素的媒體真係好難........
頁:
[1]