DIY 安裝電視機架初體驗 (**血淚史**+小小心得)
本帖最後由 AV_Duck 於 2011-9-13 12:38 編輯很興奮, 買了人生的第一套音響.
因為 前及中置, 頂住個電視, 又轉唔到去飯廳. 於是, 想掛高個電視,
行了SSP 一圈, 電視架種類”帆”多, 最後選了以下這款.
雙臂架, 可伸出75度轉向. (單臂架, 可伸出90度轉向, 但感覺懸臂太幼, 很危險. 再者,單臂架還有安裝問題, 下面再談.) 而且正面可上下5度微調, 防止廳燈(頂)反光.
心想, 電視架只須裝4顆入牆螺栓, 非常簡單, 自己有能力搞掂有餘, 點知…血淚史一行….{:6_206:}
首先, 經簡單計算, 在牆上畫了幾條水平線, 預備鑽孔之傺….
Mrs. Tiger 突然彈出, 問點解個電視掛咁高, 抬頭睇電視好辛苦,
AABB….XXYY…你有冇想清楚…你專吾專業….. 仲問點解個中置要放電視機中間, 放哩一邊得吾得……點解D喇叭咁大舊, 黑蚊蚊, 可唔可以貴少少, 換D高級,精緻,有品味既喇叭….
由於問題太專業, 行外人的我, 一時解決唔到. 唯有網上救教 {:6_229:}
幾經唇舌, 終於定到安裝高度. 再次執拾客廳, 預備鑽孔之傺….
Mrs. Tiger又話: “你咁鑽, 成屋都係塵”. Tiger要我, 左手喳電鑽, 右手喳吸塵機, 邊鑽邊吸塵, 於是我對住個窿, 左右開弓, 成個史太龍咁型.
由於太有型的關係, 搞到D窿有上下 5mm偏差.
因為已裝了 “撞爆螺栓”, 窿不能加大或修改, 要成組重新鑽過.
螺栓用完, 要重新買過
吸收了之前經驗, 開孔時, 先以細鑽頭或自鑽模式定位. 定位後, 才開啟 自鑽+ 錘擊模式.
4顆螺栓, 花了2星期, 終於 大功告成.
小小心得:
- 買架之前, 先與Tiger相量好, 位置高度, 免夜長夢多
- 架, 有平衡架, 單臂架, 雙臂架.
平衡架: 最平, 最穩固, 但不能外伸及轉方向
單臂架: 較靈活, 角度大,
但架身單薄, 外伸時, 會向下墮, 電視會微微傾斜. 不平行.
外伸時, 小朋友可能視之為 “千秋”, 小心倒塌.
雙臂架: 有角度, 較穩固.40” 以上電視, 安裝理想.
(另, 好店推界: SSP 鴨X街, 隧道出囗轉角那間, 較老實, 其它很海鮮價)
- 差之毫厘, X之千里. 安裝一定要準.
鑽孔相差5mm, 電視2端水平會差20mm (放大效影)
- 一個人不能抬起42” 電視 + 安裝, 找朋友幫手.
雖然只有4顆螺栓, 也花了2星期才搞定
各位DIY之友, 加油 {:6_236:} ching{:6_193:} 師兄好嘢{:6_193:} 多謝師兄分享心德...... 回復 1# AV_Duck
DIY電視機架{:6_196:} 好手工!{:6_193:} 辛苦晒
搞得掂就好
想問下個架要幾錢呢? 精彩既分享...........{:6_193:}
個架預幾多錢呢. 師兄真勁, 一手電鑽, 一手吸塵機. {:6_193:} 好手工 ！{:6_143:}