DacMagic + A2W + foobar2000 = ?
頂唔住, 終於都開始學玩CAS.......話說上星期買入左 Audioengine A2W, 以3.5MM直入PC上的 SPEAKER OUT聽左一個星期(其實正式來講係聽左二首歌...{:6_198:} ), 頂唔住, 人聲高音好干又濛, 心諗都係冇計架勒, 想係電腦上聽返似樣小小既HIFI歌聲, 都係冇得慳, 一於入手部 DAC玩下, 爬左一陣文呢部Cambridge Audio DAC magic係76上早年都有好多師兄玩過, 評價仲真係幾唔錯, 所以.......(唔洗我再多講啦!!)
用左 MOGAMI 2964 RCA線接上, 全部又係用返原裝線, 未點做優化, 將部DACMAGIC用最普通既USB線接上, 一插入PC, WIN7已經認到佢同埋裝好DRIVER, 好簡單, 再將原先用的 3.5MM線飛走, 再用 JADIS大師早前既教學 "CAS 上的 CD 播放程式探討!"介紹的 Foobar2000 搵到岩岩STABLE版 v1.1.7, 裝上左之後, 都唔係好洗點SET野, 已經可以出聲, 係呢刻, 好心急既小瑟彭彭聲用返 "雪狼湖K2HD版RIP出來的 WAV FILE PLAY一次, 用邊首試聲最好呢??? 當然係 13 原來只要為你活一天(陳潔儀), 同14 原來只要共你活一天(張學友)二首來試聽啦!!
之前係TARALABS既試聽會聽過呢首真係一聽難忘, 到依家都仲記得當晚器材出到既空氣感, 陳潔儀既女高音, 當然最好試既就係果句 "原來給你真愛的我是無悔, 是每一天............", 佢果個 "天" 字, 係未加DAC之前, 真係就係呢個 "天"字, 另我聽到側哂耳, 好想快D熄左部機佢, 加左DAC之後, 個天字比之前既已經有好好既修飾, 但聲底都仲係好干好澀, 反而學友把聲就好唔小, 不過小瑟都知道架勒, 聽過萬萬聲既器材, 要係呢個絃千蚊既價位上取得 10分1既感覺, 的確係非常非常之難既難事, 不過小瑟知道, 依家我岩岩開始, 仲有大把野可以玩, 部DAC既電, 喇叭既電, 喇叭線, RCA(小瑟團購左條TARALABS都未囉, 呵呵~~{:6_235:}), 進步既空間仲有好多好多, 況且依家成套野都係新CHOK CHOK, 仲有排煲, 依家加左DAC之後已經比我感覺開始入到門勒, 往後仲有好長既路要行呢.....
比我搵到呢二件野出來, 睇下可以玩D咩先!!!!{:6_238:}
依家終於明白, 點解D HIFI發燒友可以萬萬聲咁面不改容, 音響呢條路, 真係一條好難返轉頭既不歸路, 尤其係屋企有小朋友唔可以睇戲, 但聽歌冇話唔比勒卦~~~~{:6_183:} 回復 1# 小瑟
等緊......等緊....... report, report....
{:6_236:} Report, report ! {:1_253:} 等睇好戲{:6_135:} CAS 好難玩。。。期待師兄分享下 嘩!!!!!正!!!!!!有野睇~~~~~{:6_178:} 玩foobar可以用iphone做搖控，超爽{:1_264:} 小瑟又放毒{:6_201:} 等待中....{:6_128:}